قوجا احىمەت ياسساۋي كەسەنەسى

2014.09.22 14:42   كەلۋ قاينارى : حالىق تورابى

　　حالىق تورابى، 21 – قىركۇيەك، تاشكەنت. (نۇرعيسا) ءىسلام ءدىنى ورتا ازياعا ەنگەننەن كەيىن، ورتا عاسىردا ايرىقشا گۇلدەندى. سول مەزگىلدە ورتا ازيادان ءبىر توپ عۇلاما ويشىلدار جارىققا شىقتى. سولاردىڭ ءبىرى قوجا احىمەت ياسساۋي. ول تۇركى حالىقتارىنىڭ، ونىڭ ىشىندە قازاق حالقىنىڭ بايىرعى مادەنيەتى مەن تاريحىندا ايرىقشا ورىن الاتىن عۇلاما اقىن، ءپالساپاشى. قوجا احىمەت ياسساۋي سايرام قالاسىندا تۋىلعان.

　　قوجا احىمەت ياسساۋيدىڭ كەسەنەسى تۇركستان قالاسىنا ورنالاسقان، ءار كۇنى كەسەنەگە كەلىپ زيارات ەتەتىن جۇرتتىڭ اياعى ۇزىلمەيدى. ياسساۋي كەسەنەسى ءامىر تەمىردىڭ بۇيرىعىمەن سالىنعان، كەسەنە قۇرىلىسى ءالى اياقتاماستان، ءامىر تەمىر دۇنيەدەن وتكەندىكتەن، بۇل قۇرىلىستىڭ الدىڭعى داۋالى اياقتالماي قالعان، الايدا، كوك ءتۇستى كۇمبەزى الىستان كوزگە تۇسەتىن ءساندى قۇرىلىس بۇگىنگى كۇنگە دەيىن جەتىپ وتىر. قۇرىلىستى سالۋ بارىسىندا پايدالانىلعان داۋال بەتىندەگى ويىقتار دا ءالى كۇنگە ايقىن كورىنەدى.

　　حالىق تورابىنىڭ جاڭا جىبەك جولى تىلشىلەر ۇيىرمەسى قازاقستانداعى تىلشىلىك ساپارىندا قاسيەتتى تۇركستان قالاسىنا ات باسىن بۇرىپ، عۇلاما ياسساۋيدىڭ كەسەنەسىنە باردى، بۇل كەسەنەنىڭ توبەسىندەگى دوعاسىنىڭ كەڭدىگى 18 مەتر، كەسەنە ورتالىعىنا سالماعى 2000 كيلوگرام كەلەتىن الىپ قازان قويىلعان. كەزىندە بۇل قازاندا جاسالعان تاعام جەتىم – جەسىر، عارىپتارعا تاراتىلىپ وتىرعان. بۇل قازاندى ءامىر تەمىر كەسەنەگە ارناپ جاساتقان. كەسەنەدە جالپى 34 بولمە بار، بۇل بولمەلەر كەسەنە قىزمەتكەرلەرىنڭ تۇراعى رەتىندە پايدالانىلعان. كەسەنە قۇرىلىسىنىڭ سول جاعىنا مەشىت ورنالاسقان.

　　كەلۋ قاينارى: حالىق تورابى