ورتالىقتىڭ ۇلتتىق قىزمەت ءماجىلىسى جانە مەملەكەتتىك كەڭەستىڭ مەملەكەتتىك ۇلتتار ىنتىماعى جانە العا باسارلىعى جونىندەگى 6 – رەتكى ماراپاتتاۋ جينالىسى بەيجيڭدە وتكىزىلدى

2014.09.30 10:01   كەلۋ قاينارى : حالىق تورابى

　　شي جينپيڭ ماڭىزدى ءسوز سويلەدى، لي كىچياڭ مەن يۇي جىڭشىڭ ءسوز سويلەدى، جاڭ دىجياڭ، ليۋ يۇنشان، ۋاڭ چيشاندار جينالىسقا قاتىناستى.

　　گازەتىمىز 29 – قىركۇيەكتە بەيجيڭنەن حابارلايدى. ورتالىقتىڭ ۇلت قىزمەتى ءماجىلىسى جانە مەملەكەتتىك كەڭەستىڭ مەملەكەتتىك ۇلتتار ىنتىماعى جانە العا باسارلىعى جونىندەگى 6 – رەتكى ماراپاتتاۋ جينالىسى 28 – قىركۇيەكتەن 29 – قىركۇيەككە دەيىن بەيجيڭدە وتكىزىلدى.

　　ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي ءماسليحات كەڭەسىنىڭ ءتوراعاسى يۇي جىڭشىڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ليۋ يۇنشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى ۋاڭ چيشان جينالىسقا قاتىناستى.

　　شي جينپيڭ ماجىلىستە ماڭىزدى ءسوز سويلەپ، ەلىمىزدىڭ ۇلت قىزمەتىندە ءدۇپ كەلگەن ەل ءىشى-سىرتىنداعى جاعدايلارعا جان-جاقتىلى تالداۋ جاساپ، كەزەكتەگى جانە الداعى ءبىر مەزگىلدەگى ەلىمىزدىڭ ۇلت قىزمەتىنىڭ جالپى باعىتىن جۇيەلى بايىمدادى. لي كىچياڭ ۇلتتىق رايونداردىڭ دامۋىن جەدەلدەتۋ، جاپپاي دوڭگەلەك داۋلەتتى قوعام قۇرۋدى جەبەۋ جونىندە ءسوز سويلەدى. يۇي جىڭشىڭ ءماجىلىستىڭ سوڭىندا قورتىندى ءسوزىن سويلەدى.

　　وسى جولعى ءماجىلىستىڭ نەگىزگى مىندەتى: جاڭا جاعدايداعى ۇلت ماسەلەسىنىڭ، ۇلت قىزمەتىنىڭ ەرەكشەلىكتەرى مەن زاڭدىلىقتارىن دۇرىس مەڭگەرىپ، يدەيالىق تانىمدى بىرلىككە كەلتىرۋ، نىسانا-مىندەتتەردى ايقىنداپ، سەنىم مەن بەكىمدى بەكەمدەۋ، ۇلت قىزمەتىن ويداعىداي جاقسى ىستەۋ قابىلەتى مەن دەڭگەيىن جوعارىلاتۋ.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى