ىلە قازاق اۆتونوميالى وبلىستىق اۋدارماشىلار قوعامى 5-كەزەكتى جورالار القاسىنىڭ 2-ءماجىلىسى جانە قازاق تىلىندەگى گازەت-جۋرنالدى ءتىل-جازۋ تۇرعىسىنان تەكسەرىپ باعالاۋ جيىنى اشىلدى

سۋرەتتەردى تۇسىرگەن دۋمان ءپازىلجان ۇلى

2014.10.10 17:15   كەلۋ قاينارى : حالىق تورابى

جيىننان جالپى كورىنىس

　　«ىلە كەشى» گازەتىنىڭ ءتىلشىسى سەنبەك اۋەسقان ۇلى حابارلايدى. ىلە قازاق اۆتونوميالى وبلىستىق ۇلتتار ءتىل-جازۋ قىزمەتى كوميتەتىنىڭ جانە تارباعاتاي ايماقتىق ءتىل جازۋ قىزمەتى كوميتەتىنىڭ ۇيىمداستىرۋىمەن وتكەن جىلعى قىزمەتتى قورىتىندىلاۋ، قازىرگى جانە بۇدان بىلايعى اۋدارما قىزمەتىن زەرتتەۋ جانە ورنالاستىرۋ، ۇلتتار اۋدارما قىزمەتىنىڭ ماڭىزدىلىعىن جەتە ءتۇسىنۋ، اۋدارماشىلار قوعامىنىڭ رولىن تولىق ساۋلەلەندىرىپ، اۋدارما قىزمەتىنىڭ جالپىلىق ورەسىن جوعارىلاتۋدى ماقسات ەتكەن ىلە قازاق اۆتونوميالى وبلىستىق اۋدارماشىلار قوعامى 5 – كەزەكتى جورالار القاسىنىڭ 2-– ءماجىلىسى جانە قازاق تىلىندەگى گازەت-جۋرنالدى ءتىل-جازۋ تۇرعىسىنان تەكسەرىپ باعالاۋ جيىنى قىركۇيەكتىڭ 27 – كۇنى شاۋەشەك قالاسىندا اشىلدى.

　　ماجىلىسكە اۆتونوميالى رايوندىق ءتىل–جازۋ قىزمەتى كوميتەتىنىڭ ورىنباسار مەڭگەرۋشىسى جارقىن ابىلەز ۇلى، اۆتونوميالى رايوندىق وقۋ–اعارتۋ مەڭگەرمەسىنىڭ بۇرىنعى ورىنباسار باستىعى، پروفەسسور، جازۋشى، تىلگەر سۇلتان جانبولاتوۆ، وبلىستىق حالىق ۇكىمەتىنىڭ ورىنباسار باس حاتشىسى، كەڭسە مەڭگەرمەسىنىڭ مەڭگەرۋشىسى، وبلىستىق اۋدارماشىلار قوعامىنىڭ ۇنەمىلىك ىستەرگە جاۋاپتى ورىنباسار باستىعى جۇمان بارشابەك ۇلى، ىلە گازەتى مەكەمەسى پارتكومىنىڭ ورىنباسار شۋجيى، مەكەمە باستىعى، ىلە قازاق اۆتونوميالى وبلىستىق اۋدارماشىلار قوعامىنىڭ ورىنباسار باستىعى ەرمەك ايات ۇلى، تارباعاتاي ايماعىنىڭ ورىنباسار ءۋاليى تۇگىجەجاپ قاتارلى باسشىلار مەن وبلىسقا توتە قاراستى ورىنداردان، تارباعاتاي، التاي ايماقتارىنان 70 كە جۋىق كىسى قاتىناستى. جيىندى وبلىستىق ءتىل – جازۋ قىزمەتى كوميتەتىنىڭ ورىنباسار مەڭگەرۋشىسى نازيگۇل ءتۇسىپنابي قىزى باسقاردى.

　　جۇمان بارشابەك ۇلى ۇلتتار اۋدارما قىزمەتىنىڭ ماڭىزدىلىعىن جەتە ءتۇسىنىپ، اۋدارماشىلار قوعامىنىڭ رولىن تولىق ساۋلەلەندىرىپ، ۇيىمدىق قۇرىلىسىن كۇشەيتىپ، اۋدارما قىزمەتىنىڭ جالپىلىق ورەسىن جوعارىلاتىپ، اۋدارما قىزمەتىنىڭ مازمۇنىن بايىتىپ، تىڭ ءورىس اشىپ، ءار ۇلت بۇقاراسىنىڭ مادەنيەت قاجەتىن قاناعاتتاندىرىپ، اۋدارماشىلار قوسىنىن بەكەمدەۋ جونىندە ناقتى تالاپتارىن ورتاعا قويدى.

　　ەرمەك ايات ۇلى تانىمدى جوعارىلاتىپ، وبلىسىمىزدىڭ اۋدارما ىستەرىن كوركەيتۋ، دامىتۋ جونىندەگى سەنىمدى بەكەمدەۋ، اۋدارماشىلار قوعامى قىزمەتىن جاسامپازدىقپەن ورىستەتۋ، اۋدارما ورەسىن جوعارىلاتۋ، باسىلىمدارداعى ورىن تەۋىپ وتىرعان ماسەلەلەردى تۇبەگەيلى وڭاۋ جونىندە كوپشىلىكپەن وي ورتاقتاستىردى.ۋاقىت قىسقا بولعانىمەن، جيىنعا قاتىناسۋشىلار جارقىن ابىلەز ۇلى مەن سۇلتان جانبولاتوۆتىڭ ءتىل – جازۋ، اۋدارما، اقپارات، باسپاءسوز جونىندەگى تولعامدى ويلارىن ءوز اۋىزدارىنان تىڭداپ، كوكەيگە كوپ نارسەنى ءتۇيىپ، پىكىر الماستىرىپ، بۇدان سوڭ اۋدارما قىزمەتىن ءتىپتى دە جاقسى ىستەۋ، گازەت – جۋرنالدىڭ ساپاسىن اناعۇرلىم جاقسارتۋ جونىندەگى سەنىمدەرىن بەكەمدەي ءتۇستى.

　　ماجىلىستە باعالاۋ گرۋپپاسىنىڭ مۇقيات سارالاۋىمەن «ىلە كەشى» گازەتى، «تارباعاتاي گازەتى»، «التاي اياسى» جۋرنالى، «قازاق بالالارى عىلمي سۋرەتتى جۋرنالى»، «جاستۇلەك»، «عىلىم جانە ونەر» قازاق تىلىندەگى گازەت-جۋرنالدى ءتىل-جازۋ تۇرعىسىنان باعالاۋداعى ۇزدىك گازەت، ۇزدىك جۋرنال بولىپ سيلاندى، وسى قاتاردا ۇزدىك رەداكتورلار عا دا سيلىق بەرىلدى.

　　جيىننان سوڭ كوپشىلىك تارباعاتاي جاقتىڭ ۇيىمداستىرۋىمەن باقتى وتكەلىن، تارباعاتاي قىزىل ءۇي مۇراجايىن كوزدەن كەشىردى.

　　كەلۋ قاينارى: حالىق تورابى