«ويپاتتاعى ەل» «مۇزدىق ەلىنەن» وڭباي جەڭىلدى

2014.10.14 14:32   كەلۋ قاينارى : حالىق تورابى

　　حالىق تورابى، 15 – قازان، بەيجيڭ. 2016 – جىلعى ەۆروپا چەمپيوناتىنىڭ ىرىكتەۋ جارىسى بارىسىندا A گرۋپپانىڭ 3 – اينالىمداعى جارىسى بەيجيڭ ۋاقىتى بويىنشا 14 – قازان 2:45تە وتكىزىلدى. يسلانديا كومانداسى رەيكياۆيكتەگى ءوز الاڭىندا ەۆروپاداعى مىقتى قۇراما ــ گوللانديا كومانداسىمەن جارىس كورىگىن قىزدىردى. الدىڭعى جارتى مايدان جارىس باستالا سالىسىمەن بەيا ناسان يسلانديا كومانداسىنا نۇكتە دوپ ورايىن جاراتتى، سيگۋردسسون دوپتى ەنگىزدى، ەسەپ 1 : 0. الدىڭعى جارتى مايدان جارىس اياقتار الدىندا سيگۋردسسون ەكىنشى دوپتى ەنگىزىپ، ۇپاي سانىن 2 : 0 ەتىپ وزگەرتىپ جازدى. سوڭعى جارتى مايداندا گوللانديا كومانداسى شابۋىل تاكتيكاسىن وزگەرتكەن بولسا دا، ناتيجەسى ويداعىداي بولماي، ەڭ سوڭىندا 0 : 2 ۇپايمەن يسلانديا كومانداسىنان جەڭىلدى. گوللانديا كومانداسى ءبىر رەت جەڭىپ، ەكى رەت جەڭىلىپ، 3 نومىرگە يە بولدى، يسلانديا كومانداسى ءۇش رەتكى جارىستا دا جەڭىپ، 8 دوپ ەنگىزىپ، قارسىلاستارىنا ءبىر دە ءبىر دوپ كىرگىزۋ ورايىن بەرمەي، 9 ۇپايمەن گرۋپپادا كوش باستاپ تۇر، گوللانديانىڭ باسەكەلەسى چەح كومانداسى دا 9 ۇپاي جيناعان بولسا دا، ەنگەن دوپ سانىنداعى پارىق بويىنشا 2 – ورىنعا تابان تىرەدى، گوللانديا كومانداسىنىڭ گرۋپپادان شىعىپ، كەلەسى اينالىمعا جول تارتۋى قيىنداۋ.

　　كەلۋ قاينارى: حالىق تورابى