حالىق تورابى مەن بۇگىنگى رەسەي سەلبەستىك كەلىسىمىنە قول قويدى

2014.10.14 16:34   كەلۋ قاينارى : حالىق تورابى

　　تىلشىلەرىمىز ۋ يۇەجۇن، حۋا دي، چۇي حايچيلار 13- قازاندا ماسكەۋدەن حابارلايدى. جۇڭگو مەملەكەتتىك كەڭەسىنىڭ زۇڭلي لي كىچياڭمەن، رەسەيدىڭ زۇڭليى مەدۆەدەۆتىڭ بىرلىكتە قاتىسۋىمەن، حالىق گازەتى مەكەمەسىنىڭ ورىنباسار باس رەداكتورى، حالىق تورابىنىڭ ديرەكتورى ما لي مەن بۇگىنگى رەسەي اتىنداعى حابار اگەنتتىگىنىڭ (تومەندە «بۇگىنگى رەسەي» دەلىنەدى) باستىعى گيشەموف 13 – قازاندا رەسەي ۇكىمەتى سارايىندا كەلىسىمگە قول قويدى.

　　كەلىسىم بويىنشا، حالىق تورابى مەن بۇگىنگى رەسەي ەكى جاقتىلى ينفورماتسيا سالاسىنىڭ سەلبەستىگىن دامىتۋ جونىندە كەلىسىمگە كەلدى. وسى كەلىسىمنىڭ ماقساتى ينفورماتسيا كەڭىستىگىن كەڭەيتىپ،بۇقارالىق مەديالاردىڭ ساياسي، ەكونوميكا، مادەنيەت قاتارلى سالالاردان وبيەكتيۆتىك، كاسىپتىك تۇرعىدان حابار بەرۋىن جەبەپ، ەكى ەل حالقىنىڭ جاقىندىعى مەن ءوزارا تۇسىنىگىن ارتتىرۋ بولدى. ەكى جاق تاعى توراپ حابارى بايلىعىن ءوزارا اۋىستىرىپ تاراتۋ، بىرلىكتە سۇحبات جۇرگىزۋ، مامانداردان ماقالا قابىلداۋ، ەكى جاقتىڭ تىلشىلەرىنە كومەك كورسەتۋ قاتارلى جاقتاردان سەلبەسۋ كەلىسىنە كەلدى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى