انگليانىڭ ايەل پاتشاسى تۆيتتەر پاراقشاسىن ءوز قولىمەن جاڭالادى

2014.10.27 15:19  

　　انگليا «كۇندەلىك پوچتا گازەتىنىڭ» 24 – قازاندا حابارلاۋىنشا، انگليانىڭ ايەل پاتشاسى ەليزابەت II سول كۇنى لوندون عىلىم – تەحنيكا مۇراجايىن ەكسكۋرسيالاۋ بارىسىندا، نەشە ءجۇز ادامنىڭ كۋا بولۋىندا تۇڭعىش رەت ءوزىنىڭ ميكروبلوگ پاراقشاسىن جاڭالاپ: مۇراجايدىڭ بۇگىنگى «ينفورماتسيا ءداۋىرى» اتتى كورمەسىنىڭ شىمىلدىعىن اشقانىما قۋانىشتامىن، كوپشىلىكتىڭ ەمىن – ەركىن ەكسكۋرسيالاۋىن ءۇمىت ەتەمىن، - دەپ جازدى.

　　حابارعا قاراعاندا، لوندون عىلىم – تەحنيكا مۇراجايى 24 – قازاندا «حابارلاسۋ تەحنيكاسىنىڭ تاريحى» اتىنداعى قۇتتىقتاۋ ءماجىلىسىن اشقان، انگليانىڭ ايەل پاتشاسى ەليزابەت II جينالىسقا قاتىناسقان 600 ادامنىڭ الدىندا تۇڭعىش رەت ءوزىنىڭ تۆيتتەر پاراقشاسىن جاڭالاعان. ول تۆيتتەردە: مۇراجايدىڭ بۇگىنگى «ينفورماتسيا ءداۋىرى» اتتى كورمەسىنىڭ شىمىلدىعىن اشقانىما قۋانىشتامىن، كوپشىلىكتىڭ ەمىن – ەركىن ەكسكۋرسيالاۋىن ءۇمىت ەتەمىن، - دەپ جازدى. بۇل بلوگماقالا جاريالانىپ نەشە مينۋت وتپەي جاتىپ 1181 رەت كوشىرىلگەن ءارى 725 رەت القاۋعا يە بولعان.

　　حابارعا قاراعاندا، انگليا ايەل پاتشاسىنىڭ تۆيتتەر پاراقشاسىنىڭ اتى British Monarchy ، بۇل پاراقشاعا 2009 – جىلى شىلدەدە تىزىمدەلگەن، قازىر بۇل پاراقشانى نازارىندا ۇستايتىن تۆيتتەرشىلەردىڭ سانى 727000، اتالعان تۆيتتەر پاراقشاسى انگليا پاتشا اۋلەتىنە تاۋەلدى، انگليا بۋكيڭحام سارايى مەن كلارەنس سارايىنىڭ عالامتورشىلار ۇجىمى پايدالانادى.

　　اتالعان تۆيتتەر پاراقشاسى تانىمالى بولعانىمەن، ەليزابەت II بۇدان بۇرىن بۇل تۆيتتەر پاراقشاسىندا ءوز قولىمەن ەشقانداي مازمۇنداعى بلوگماقالا جاريالاماعان.

　　كەلۋ قاينارى: حالىق تورابى