بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

ءوسپىرىم اقىنداردىڭ ايتىسى وتكىزىلدى

2014.11.04 14:52   كەلۋ قاينارى : حالىق تورابى



  گۇلميرا داۋلەتبەك قىزى مەن ەرىكتى ءتىلشى اسقار قايسا ۇلى حابارلايدى. بۋىرشىن اۋدانىندا «ۇلتتىق ءداستۇرلى مادەنيەتتى ساۋلەلەندىرۋ» اتىنداعى 2 ـ كەزەكتى جاسوسپىرىمدەر اقىندار ايتىسى 30 - قازاندا وتكىزىلدى.

  بۇل قيمىلدى بۋىرشىن اۋداندىق 1 ـ ورتا مەكتەپتىڭ «شولپان جۋرنالىنىڭ» رەداكسيا القاسى ۇيىمداستىرعان، قيمىلعا بۋىرشىن اۋداندىق 1 - ورتا مەكتەپتىڭ تولىق ورتا ءبولىمىن نەگىز ەتكەن تالاپتى جەتكىنشەكتەردەن 8 اقىن قاتىناستى. ايتىس ارەدىگىندە وقۋشىلار تەرمە ايتۋ، سەرىك ويىنى سىندى ونەرلەرىن دە ورتاعا سالدى. ايتىسپەن بىرگە، وقۋشىلاردىڭ 3 - كەزەكتى جىر ءمۇشايراسى دا قوسا وتكىزىلىپ، ادەبيەتكە اۋەس، جازبا اقىندىق ونەرگە جانى قۇشتار جەتكىنشەكتەردىڭ قالام قۋاتىن سومداۋعا شابىت بەردى.

  قيمىلدىڭ تاعى ءبىر ەرەكشەلىگى بۋىرشىن اۋدانىنداعى ءىشىنارا اۋىل مەكتەپتەرىندەگى اقىندىق ونەرگە قىزىعاتىن وقۋشىلار دا ۇسىنىسپەن شاقىرىلىپ، ولارعا جەڭىس سەتەرقان ۇلىنىڭ قۇراستىرعان «اقىندار ءارياسى» اتتى اقىندىققا تاربيەلەۋ وقۋلىعى ۇسىنىلىپ، ولاردىڭ بۇدان بىلايعى ونەرلەرىنە جول سىلتەدى.

  وسى رەتكى ايتىستىڭ باس بايگەسىن ەنشىلەگەن بالا اقىن بەيسەن ءومىرقان ۇلى تىلشىگە بىلاي دەدى: «مەن مەكتەبىمىز جاعىنان ۇيىمداستىرىلعان جاسوسپىرىمدەر اقىندار ايتىسىنا وسىمەن ەكىنشى رەت قاتىناسىپ وتىرمىن، وسى ورايدا ءبىزدى باۋلىعان ۇستازدارىما جانە وسى قيمىلدى ۇيىمداستىرىپ، ءبىزدىڭ بويىمىزداعى ونەردى باعامداپ ونى جالعاستى جەتىلدىرە بەرۋىمىزگە وراي جاراتقان ادەبيەت وقىتۋشىمىز جەڭىس مۇعالىمعا ايىرىقشا العىسىمدى بىلدىرەمىن. بۇدان بىلاي ۇلتىمىزدىڭ ايتىس سىندى اسىل مۇراسىن ۇلىقتاپ، ونەر تۋىن اسپانداتۋعا قۇلشىنامىن».

  بۋىرشىن اۋداندىق تولىق ورتا مەكتەپ ءتىل ـ ادەبيەت وقىتۋشىسى « شولپان جۋرنالى» رەداكسيا القاسىنىڭ جاۋاپتىسى، قيمىلدىڭ ۇيىمداستىرۋشى جەڭىس سەتەرقان ۇلى بىلاي دەدى: «مەكتەبىمىزدىڭ قولداپ - قۋاتتاۋىمەن وتكەن جىلدان بەرى بالا اقىنداردى تاربيەلەۋ ماقساتىندا ەكى اپتادا ءبىر ساعاتتىق ۋاقىتپەن مەكتەپ ساباعى رەتىندە ارناۋلى ساباق ءوتىپ، ۇزبەي جالعاستىرىپ كەلدىك، سونىڭ ارقاسىندا بالا اقىندارىمىزدىڭ ورەسى ءبىرشاما جوعارىلاپ، ءبىر ـ بىرىمەن ءار تاقىرىپتا ءسوز قوزعاپ ۇستاسىپ ايتىساتىن، ورەلى وي ايتىپ ارىپتەسىنىڭ ساعىن سىندىرۋعا ۇمتىلاتىن تەبىن تانىتتى. ءبىزدىڭ وسىنداي ۇلتتىق ءداستۇرلى مادەنيەتتى جالعاستىرۋ جاعىنداعى ازداپ قولعا العان ىستەرىمىزدەن حاباردار بولعان قاتىستى اۋدان باسشىلارى دا قولداپ ـ قۋاتتادى، ءبىز ولارعا ايىرىقشا العىسىمىزدى بىلدىرەمىز، بۇدان بىلاي دا ۇلتىمىزدىڭ ءداستۇرلى مادەنيەتىن جالعاستىراتىن ءىزباسارلادى كوپتەپ تاربيەلەۋگە قۇلشىنستار جاسايمىز». سۋرەتتە : بالا اقىندار ايتىس ساحناسىندا

  كەلۋ قاينارى: حالىق تورابى

【1】 【2】 
جاۋاپتى رەداكتورى : نۇرعيسا قۇرمانجان ۇلى

 سۋرەت