بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

جۋحاي اۆياتسيا كورمەسى تۋرالى نەلەردى بىلەسىز

2014.11.10 13:22   كەلۋ قاينارى : حالىق تورابى



  رەسەيدىڭ Su-35 سوعىس ۇشاعى 9 – قاراشاداعى ۇشۋ جاتتىعۋىن اياقتاتتى. سول كۇنى جۋحاي جينۋان اۋەجايىنا كەلگەن يۇن – 20، جيان – 20، Su-35 قاتارلى «شولپان ۇشاقتار» ۇشۋ جاتتىعۋىن جاساپ، اشىلۋ الدىندا تۇرعان 10 – كەزەكتى جۇڭگو حالىقارالىق عارىش – اۆياتسيا كورمەسىنە دايىندالدى. شينحۋا اگەنتتىگىنىڭ ءتىلشىسى ياڭ گۋاڭ فوتوسى

  حالىق تورابى، 10 - قاراشا، بەيجيڭ. جۇڭگو حالىقارالىق عارىش – اۆياتسيا كورمەسى قىسقاشا جۇڭگو جۋحاي اۆياتسيا كورمەسى نەمەسە جۋحاي اۆياتسيا كورمەسى دەپ اتالادى، اتالعان كورمەنى ورتالىق ۇكىمەت ماقۇلداۋدان وتكىزگەن، حالىقارالىق كاسىپتىك عارىش – اۆياتسيا كورمەسى ەسەپتەلەتىن بۇل كورمەدە ۇشاقتاردى كورسەتۋ، ساۋدا كەلىسىمىن جاساۋ، عىلمي تالقى وتكىزۋ جانە ۇشۋ ونەرىن كورسەتۋ قاتارلى مازمۇندار قامتىلادى.

  كورمەنى جۋحاي اۆياتسيا كورمەسى شەكتى سەرىكتىگى وتكىزەدى، كورمە 1996 – جىلى تۇڭعىش رەت ءساتتى وتكىزىلگەننەن قازىرگە دەيىن ساۋدا، كاسىپتىك تالقى، تاماشالاۋ قاتارلىلاردى ءبىرتۇلعالاندىرعان، الەمدەگى الدىڭعى بەستىككە كىرەتىن ءىرى حالىقارالىق كورمەگە اينالدى.

  بيىلعى جۋحاي اۆياتسيا كورمەسى 11- قاراشادان 16 – قاراشاعا دەيىن وتكىزىلەدى. بۇل جولعى كورمەگە 40 نەشە ەلدەگى 700دەن استام كاسىپورىن قاتىناسادى. جۇڭگونىڭ مارستى بارلاۋ اسپابى قاتارلى جاڭا تەحنيكا جەتىستىكتەرى دە جۋحاي كورمەسىندە تۇڭعىش رەت كورسەتىلەدى.

  مۇنان سىرت، وسى جولعى كورمەدە جۇڭگو حالىقارالىق عارىش – اۆياتسيا جوعارى دارەجەلى باسشىلار تالقىسى قاتارلى شاعىن جانە ءىرى كولەمدەگى 68 ءماجىلىس وتكىزىلەدى.

  جۇڭگو اۋە ارميا باس شتابىنىڭ كۇش سالا قولداۋىندا، ا ق ش، انگليا، فرانسيا، رەسەي قاتارلى 27 ەلدىڭ اۋە ارميا جوعارى دارەجەلى ۋاكىلدەر ۇيىرمەسى وسى جولعى كورمەگە كەلىپ قاتىناسادى. ءۇش كۇندىك كورمەگە قاتىناساتىن كاسىپتىك مامانداردىڭ سانى 130 مىڭنان اسىپ، الدىڭعى كەزەكتى كورمەدەن %18 ارتادى دەپ مەجەلەنۋدە.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 
جاۋاپتى رەداكتورى : نۇرعيسا قۇرمانجان ۇلى

 سۋرەت