ەل اتتاعان ەلەكتىر ەنەرگياسىنىڭ توقتامىنا قول قويۋ سالتى وتكىزىلدى

2014.12.11 13:43   كەلۋ قاينارى : حالىق تورابى

　　ەرىكتى ءتىلشى بۇيىن يوندىن حابارلايدى. 2014- جىلى 9- جەلتوقسان كۇنى، جۇڭگو ەلەكتىر توراپ، شينجياڭ ەلەكتىر ەنەرگيا سەرىكتىگى، شىڭگىل اۋداندىق بولىمشە سەرىكتىگى، «جۇڭگو مۇڭعۇليا ەكى ەلىنىڭ 2015 جىلدىق ەلەكتر ەنەرگياسىن ەكىسپورت - يىمپورت ەتۋ توقتامىنىڭ قول قويۋ سالتىن» وتكىزىپ، مۇڭعۇليا ەلى حوبدا ايماعىنىڭ باتىس وڭىرىندەگى ءبىر نەشە اۋدانىنىڭ 2014 - جىلعى، جۇڭگو ەلەكتىر ەنەرگياسىنان پايدالانۋ احۋلى جايلى قىسقاشا قورتىندى جاسادى جانە ەلەكتىر ەنەرگياسىن پايدالانۋعا قاتىستى ماسەلەلەرمەن پىكىرلەسىپ، كەلەر جىلعى جالعاستى ەلەكتر ەنەرگياسىن ەكىسپورت - يىمپورت ەتۋ توقتامىنا قول قويدى.

　　ۇعىسۋىمىزشا، مۇڭعۇليا ەلى حوبدا ايماعى 2014 جىل سوڭىنا دەيىن، شامامەن 5 ميلليون ۋاتتان استام توك ىستەتكەن بولىپ، ءار كيلوۋاتى 0.65 يۋاننان ەسەپتەگەندە، شىڭگىل اۋداندىق بولىمشە سەرىكتىككە ءبىر جىلدا 3 ميلليون 250 مىڭ يۋان توك اقى تاپسىرادى. ال موڭعۇليانىڭ كەلەر جىلى توك ىستەتۋ كولەمى جالعاستى كەڭەيىپ، مەجەمەن جانە ءبىر ميلليون 500 مىڭ ۋات توك ارتىق تۇتىناتىن كورىنەدى.

　　كەلۋ قاينارى: حالىق تورابى