بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

جۇڭگو حالىقارالىق راديو ستانسياسى قازاق تىلىندەگى اقپاراتتىق قولفون دەتالىن ىسكە قوستى

2014.12.29 19:58   كەلۋ قاينارى : حالىق تورابى



  حالىق تورابى، 29 – جەلتوقسان، بەيجيڭ. (نۇرعيسا) جۇڭگو حالىقارالىق راديو ستانسياسىنىڭ «جاڭا جىبەك جولى» اتىنداعى قازاق تىلىندەگى اقپاراتتىق قولفون دەتالىن عالامتورعا جۇكتەۋ ءراسىمى 29 – جەلتوقسان كۇنى بەيجيڭدە وتكىزىلدى. قازاقستاننىڭ جۇڭگودا تۇراتىن باس ەلشىلىگىنىڭ اقىلشىسى مارعۇلان، قازاقستاننىڭ شاڭحاي سەلبەستىك ۇيىمىنداعى تۇراقتى وكىلى باعدات قاتارلى قۇرمەتتى قوناقتار، بەيجيڭدەگى قىزمەتكەرلەر مەن ستۋدەنتتەر، قازاقستاندىق ءارسالاداعى دوستار سالتقا قاتىناستى.

  جۇڭگو حالىقارالىق راديو ستانسياسىنىڭ كوپ تىلدەگى اقپاراتتىق قولفون دەتالدارىنىڭ ىشىندەگى ەڭ سوڭعى بولىپ قاتارعا قوسىلعان قازاقشا نۇسقاسى 2015 – جىلى قاڭتاردا رەسمي عالامتورعا جۇكتەلەدى. بۇگىنگە دەيىن قازاق تىلىندە قازاقستان مەن ورتا ازياعا اقپارات تاراتاتىن بۇل قولفون دەتالى جۇڭگو حالىقارالىق راديو ستانسياسىنىڭ مەملەكەت ءتوراعاسى شي جينپيڭ ورتاعا قويعان «جىبەك جولى ەكونوميكالىق بەلدەۋى» ستراتەگيالىق شەشىمىن دايەكتىلەندىرۋدەگى ماڭىزدى شارالارىنىڭ ءبىرى. بۇل جاڭا مەديا جۇڭگوعا كەلىپ قىزمەت ىستەيتىن جانە ساياحاتتايتىن، وقۋعا تۇسەتىن قازاقستان ازاماتتارىنا قازاق تىلىندە (كريلشە) اقپاراتتىق قىزمەت وتەۋدەن سىرت، بۇكىل الەمدەگى قازاق ءتىلدى وقىرمانعا ايقىن ەرەكشەلىككە يە، تارتىمدى جاڭالىقتاردى ۇسىناتىن بولادى.

  جۇڭگو – قازاقستان ەكى ەل اراسىندا 1700 كيلومەترلىك شەكارا سىزىعى بار، ەكى ەلدىڭ قارىم – قاتىناس تاريحىنىڭ باستاماسى 2000 جىلدان ارىدا جاتىر. جۋىرداعى جىلداردان بەرى، شاڭحاي ىنتىماقتاستىق ۇيىمىنداعى ماڭىزدى ەلدەر ــ جۇڭگو مەن قازاقستان ەكى ەل ۇكىمەتىنىڭ باسشىلارى جيى كەزدەسىپ، ەكى ەلدىڭ دوستىق سەلبەستىگىن جاڭا دەڭگەيگە كوتەرىپ، جۇڭگو – قازاقستان ەكى ەل اراسىندا سان – سالالى قارىم – قاتىناستارعا جول اشتى.

  جۇڭگو حالىقارالىق راديو ستانسياسى كوپمەديانى ۇشتاستىرىپ، جالپى مەديانى دامىتۋ ستراتەگياسىن جولعا قويىپ، قازىر راديو، تەلەۆيزيا، تور بەتى، گازەت، زەردەلى قولفون دەتالى قاتارلىلاردى ءبىرتۇلعالاندىردى، قازىر 65 شەتەل تىلىندەگى راديو مەن تور بەتى، شەتەلدەگى 102 تۇتاس تولقىندى راديو، شەتەلدەگى 22 ستۋديا جانە «سولتۇستىك شىعاناق داۋىسى» «وڭتۇستىك تەڭىز داۋىسى» قاتارلى شەكارالىق بولىمشە ستانسيالاردى قامتىعان حالىقارالىق ءىرى اقپارات قۇرالى، ال «جاڭا جىبەك جولى» اتتى اقپاراتتىق دەتال جۇڭگو حالىقارالىق راديو ستانسياسىنىڭ مەملەكەت ءتوراعاسى شي جينپيڭ ورتاعا قويعان «جىبەك جولى ەكونوميكالىق بەلدەۋى» ستراتەگيالىق شەشىمىن دايەكتىلەندىرۋدەگى ماڭىزدى شارالارىنىڭ ءبىرى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 
جاۋاپتى رەداكتورى : نۇرعيسا قۇرمانجان ۇلى

 سۋرەت