ۋكراينادا جولاۋشىلار اۆتوبۋزىنا وق دارىپ، 10 ادام قازا بولىپ، 13 ادام جارالانعان

2015.01.14 14:07   كەلۋ قاينارى : حالىق تورابى

　　شينحۋا اگەنتتىگى، 13 – قاڭتار، كيەۆ. ۋكراينانىڭ شىعىسىنداعى دونەتسكى وبلىسىندا 13 – قاڭتاردا ۇزاق جولدى جولاۋشىلار اۆتوبۋزىنا زىمىران وعى ءتيىپ، اۆتوبۋزداعى 10 ادام قازا بولىپ، 13 ادام جارالانعان.

　　دونەتسكى وبلىستىق ۇكىمەتتىڭ اقپارات مالىمدەمەشىسى مارۋجيننانىڭ سول كۇنى حابارلاۋىنشا، جەرگىلىكتى ۋاقىت بويىنشا ساعات 14تەن 30 مينۋت وتكەندە دونەتسكىدەن وڭتۇستىكتەگى ماريۋپول قالاسىنا جولعا شىققان ۇزاق جولدى اۆتوبۋس بۋرگاس قالاشىعىنىڭ ماڭىنداعى قاراۋىل ۇيىنە جاقىنداعاندا اۆتوبۋسقا زىمىران وعى ءتيىپ، اۆتوبۋستاعى 10 ادام سول ارادا كوز جۇمىپ، 13 ادام جارالانعان. ولار ەمحاناعا جەتكىزىلىپ ەمدەلگەن.

　　دونەتسكى وبلىستىق ۇكىمەتتىڭ حابارلاۋىنشا، وقيعا تۋىلعان كەزدە وق تيگەن اۆتوبۋزدىڭ جانىندا تاعى ءبىر اۆتوبۋز تۇرعان، ول اۆتوبۋز زاقىمدالعانىمەن، ونداعى ادامدار امان – ەسەن. وقيعا تۋىلعاننان كەيىن دونەتسكى وبلىستىق ۇكىمەت بۇل جولداعى الەۋمەتتىك اۆتوبۋز تاسىمالىن ۋاقىتشا توقتاتۋدى ماقۇلدادى.

　　جەرگىلىكتى مەديالاردىڭ حابارلاۋىنشا، وقيعا تۋىلعان كەزدە ۋكراينانىڭ شىعىسىنداعى حالىقتىق قارۋلى قوسىن «بۇرشاق» زىمىران زەڭبىرەكشەسىمەن بۋرگاس قالاشىعىنىڭ ماڭىنداعى ۋكراينانىڭ اسكەري قاراۋىلحاناسىن اتقىلاپ جاتقان كەزى بولىپ، باقىتقا قارسى، سول ارادان ءوتىپ بارا جاتقان اۆتوبۋزعا وق تيگەن. شىعىس بولەكتەگى قارۋلى توپ بۇل ايتىلىمدى تەرىستەدى.

　　كەلۋ قاينارى: حالىق تورابى