كوشە اۆتوبوزىمەن ءوزى جالعىز باقشاعا بارىپ كەلەتىن ءيت

2015.01.15 16:06   كەلۋ قاينارى : حالىق تورابى

　　حالىق تورابى، 15 – قاڭتار، بەيجيڭ. شەتەل مەديالارىنىڭ حابارلاۋىنشا، ا ق ش – تىڭ سەاتتل قالاسىندا ەسليپس اتتى ءيت بولىپ، جەرگىلىكتى رايونعا تانىلمالى بولعان، سەبەبى بۇل ءيت جايباسار يەسىنە قاراماستان، جالعىز ءوزى كوشە اۆتوبوزىمەن باقشاعا بارىپ سەيىلدەيتىن بولعان.

　　ەسليپس قارا ءتۇستى لابرادور ءيتى بولىپ، ول يەسىمەن بىرگە كوشە اۆتوبوزى بەكەتىنىڭ ماڭىندا تۇرادى. يەسى ۇنەمى ونى ەرتىپ جاقىن ماڭداعى باقشاعا بارىپ سەرۋەندەۋگە شىعاتىن. يەسى كوشە اۆتوبوزىن كۇتىپ تۇرعاندا، تەمەكى شەگىپ تۇرۋشى ەدى. ءبىراق ءار رەت كوشە اۆتوبوزى بەكەتكە كەلگەندە، يەسى تەمەكىسىن تارتىپ ۇلگىرە المايتىن، مۇنداي كەزدە ەسليپس جايباسار يەسىن توسپاستان، جالعىز ءوزى كوشە اۆتوبوزىنا شىعىپ كەتە باراتىن.

　　كوشە اۆتوبوزىنداعى جولاۋشىلاردىڭ ايتۋىنشا، ەسليپس كوشە اۆتوبوزىنا شىققاننان كەيىن، بوس ورىن تاۋىپ، بەيتانىس ادامدارمەن بىرگە قاتارلاسىپ «وتىراتىن». ول جول بويى تەرەزەدەن كوشەگە قاراپ وتىراتىن دا، تۇسەتىن بەكەتكە كەلگەندە ورنىنان تۇرىپ سول بەكەتتەن ءتۇسىپ قالاتىن. قازىر جەرگىلىكتى كوشە اۆتوبوزىنىڭ شوفەرلەرى دە ونى تانىپ العان، ءارى ونىڭ بۇل ارەكەتى تالاي ادامداردى تاڭعالدىرعان.

　　كەلۋ قاينارى: حالىق تورابى