«ىلە كەشى» گازەتىنىڭ ءتىلشىسى سەنبەك اۋەسقان ۇلى حابارلايدى. ىلە وبلىسىنا توتە قاراستى ورىندارداعى باستاۋىش، ورتالاۋ مەكتەپتەر قاڭتاردىڭ 18 – كۇنى وقۋشىلاردى قىسقى دەمالىسقا تاراتتى. وسى كۇنى قۇلجا قالالىق 27 – باستاۋىش مەكتەپ 1 – جىلدىق وقۋشىلارىنىڭ ناتيجەسىن قورىتىندىلاۋ، ۇزدىك وقۋشىلاردى سيلاۋ قيمىلىن، اتا – انالارمەن اڭگىمە جيىنىن اشىپ، دەمالىستىڭ عىلمي ورنالاستىرىلۋىن، وقۋشىلاردىڭ حاۋىپسىزدىگىنە كوڭىل ءبولۋدى، ۇيدە بالالارمەن انا تىلىندە سويلەسىپ، بالالاردىڭ ەكى تىلگە بىردەي جەتىلۋىنە مۇمكىندىك جاراتۋدى دارىپتەدى. سۋرەتتەردە: 1 – جىلدىق 1 –، 2 – كلاستارداعى ۇزدىك وقۋشىلار مەكتەپ قۇشاعىنداعى تۇڭعىش سيلىقتارىن الىپ مارە – سارە بولۋدا.
كەلۋ قاينارى: حالىق تورابى