شي جينپيڭ كۇنميڭ وڭتۇستىك بويەز بەكەتى قۇرىلىسىن كوزدەن كەشىرگەندە قۇرىلىس ساپاسىنا كەپىلدىك ەتۋدى تالاپ ەتتى

2015.01.21 16:27   كەلۋ قاينارى : حالىق تورابى

　　شينحۋا تورابىنىڭ 21 - قاڭتاردا بەيجيڭنەن بەرگەن حابارى. شينحۋا اگەنتتىگىنىڭ «شينحۋا شولۋى» ميكروبلوگىنىڭ حابارىنا قاراعاندا، 20 - قاڭتار تۇستەن كەيىن، شي جينپيڭ كۇنميڭ وڭتۇستىك پويەز بەكەتىنە كەلىپ قاۋىرىت سالىنىپ جاتقان بەكەت قۇرىلىسىن كوزدەن كەشىرگەن. ول قۇرىلىس سىننان وتە الاتىن بولۋى، قۇرىلىس ماتەريالدارىنىڭ ساپاسىنا ات ءۇستى قاراۋعا بولمايدى، شاعان مەرەكەسى تاياپ قالدى، ءوندىرىس حاۋىپسىزدىگىن تيتتەي دە بوساڭسىتۋعا بولمايدى دەدى. قۇرىلىس الاڭىنداعى جۇمىسشىلاردىڭ 3/1 نىڭ ديقان جۇمىسكەرلەر ەكەنىن ەستىگەندە، ديقان جۇمىسكەرلەر قۇرىلىستىڭ جالىندى كۇشىنە اينالدى، ولارعا ەرەكشە كوڭىل ءبولۋ كەرەك دەدى.

　　شي جينپيڭ: تەتىك ــ ءوز جۇمىسىن جاقسى ىستەۋدە كۇنميڭ وڭتۇستىك پويەز بەكەتى «ءبىر بەلدەۋ، ءبىر جول» ستراتەگيالىق جوباسىنداعى شىعىس - وڭتۇستىك ازيامەن اۋىس - كۇيىس جاسايتىن ماڭىزدى نەگىزدىك قۇرىلعى. شي جينپيڭ «سەگىزدى ولكەدەن شىعارۋ، ءتورتتى شەكارادان شىعارۋ» ماڭىزدى تەمىر جول تورابى جانە باتىس - وڭتۇستىكتەگى ءىرى سارا جول سياقتى جاعدايلاردى ەستىگەندە، ۇزاق ساپار العاشقى قادامنان باستالادى، تەتىك ــ ءوز جۇمىسىمىزدى جاقسى ىستەۋدە، «تۇتاستىرۋدى» جاقسى ىستەگەندە عانا ءوزارا جالعاسىپ، ءبىر - بىرىمەن توعىسۋدى جۇزەگە اسىرۋعا بولادى دەدى.

　　باس شۋجي 20 - قاڭتار تۇستەن كەيىن كۇنميڭ وڭتۇستىك پويەز بەكەتىنىڭ جوباسىن، قۇرىلىس جاعدايىن ۇعىستى. قۇرىلىس اۋماعى 120 مىڭ شارشى مەتر كەلەتىن كۇنميڭ وڭتۇستىك پويەز بەكەتى ەرەكشە ءىرى بەكەت. پويەز بەكەتىنىڭ مەتروعا تۇتاساتىنىن ەستىگەننەن كەيىن، باس شۋجي ىقىلاستى تۇردە: مەترو مەن پويەز بەكەتىنىڭ اراسى قانشالىق، جولاۋشىلاردىڭ مەترودان تۇسكەننەن كەيىن پويەزعا اۋىسۋى قولايلى ما دەپ سۇرادى؟

　　شي جينپيڭ گۇڭشان اۋدانىنداعى از ۇلتاردىڭ ۋاكىلدەرىمەن كەزدەستى، دۋلۇڭ ۇلتى ايەلدەرى اسەرلى العىس جىرىن وقىدى

　　شي جينپيڭ كەزىندە وزىنە حات جازىپ گاۋلي-گۇڭشان تۋنەلىنىڭ تاياۋدا اشىلاتىندىعى جونىندەگى قۋانىشتى حاباردى جەتكىزگەن گۇڭشان دۋلۇڭ - نۋزۋ اۆتونوميالى اۋدانىنداعى كادرلار مەن بۇقارانى ەسىنەن شىعارمادى. 20 - قاڭتار تۇستەن كەيىن، وسى تۇنەلدەن ءوتىپ شالعايدان كەلگەن گۇڭشان اۋدانىنىڭ ۋاكىلدەرىمەن ىستىق ىقىلاسپەن كەزدەستى. باس شۋجيمەن كەزىككەندە، دۋلۇڭ اۋىلىنان تۇڭعىش رەت سىرتقا شىعىپ وتىرعان ەكى ايەل دۋلۇڭ تىلىندە وزدەرى جازعان العىس جىرىن وقىدى.

　　شي جينپيڭ: دۋلۇڭ ۇلتىنىڭ الداعى دامۋى ءتىپتى جاقسى بولادى

　　شي جينپيڭ: الىستان ات ارىلتىپ كەلگەن سىزدەردى كورىپ قاتتى قۋانىپ وتىرمىن، قىس كەزى بولعانىمەن، بۇرىنعىداي تاۋدى قار الىپ قالاتىن جاعداي وزگەردى. دۋلۇڭ ۇلتىنىڭ جان سانى كوپ بولماعانىمەن، ەلىمىزدەگى 56 ۇلتتىڭ تەرەزەسى تەڭ ءبىر مۇشەسى، جۇڭحۋا ەلىنىڭ ۇلى شاڭىراعىندا ماقتانىشپەن، ابرويمەن تىرشىلىك ەتىپ كەلەدى، ءار ۇلت حالقىمەن بىرگە جاپپاي دوڭگەلەك داۋلەتتى قوعام قۇرۋ نىساناسىن ورىنداۋ جولىندا قۇلشىنۋدا. دۋلۇڭ ۇلتىنىڭ الداعى دامۋى ءتىپتى دە جاقسى بولادى دەدى.

　　(اۋدارماسىن قاداعالاۋشى: قۇربان شاپاعات ۇلى)

　　كەلۋ قاينارى: حالىق تورابى