«ۇلتتار ادەبيەتى» جۋرنالىنىڭ 2014 – جىلعى جىلدىق سيلىعىن تاراتۋ سالتى وتكىزىلدى

2015.02.02 15:27  

　　حالىق تورابى، 31 – قاڭتار، بەيجيڭ. (نۇرعيسا قۇرمانجان ۇلى) «ۇلتتار ادەبيەتى» جۋرنالىنىڭ 2014 – جىلعى جىلدىق سيلىعىن تاراتۋ جينالىسى 31 – قاڭتاردا جۇڭگو وسىزامان ادەبيەت سارايىندا وتكىزىلدى. مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار ءتوراعاسى سىمايىل امەت، سىمايىل تىلەبالدى، جۇڭگو جازۋشىلار وداعى پارتگرۋپپاسىنىڭ مۇشەسى، شۋجيچۋىنىڭ شۋجيى ورىنباسار ءتوراعاسى حى جيانميڭ، لي جيڭزى، شينجياڭ ءوندىرىس – قۇرىلىس بيڭتۋانىنىڭ بۇرىنعى ورىنباسار سىليڭيۋانى بوتاي كوپەن ۇلى، جۇڭگو از ۇلت جازۋشىلار قوعامىنىڭ ۇنەمىلىك ىستەرگە جاۋاپتى ورىنباسار ءتوراعاسى يە مەي، جۇڭگو جازۋشىلارى باسپا – ءسوز توبى پارتكومىنىڭ ورىنباسار شۋجيى اكبار ءماجيت ۇلى، «ۇلتتار ادەبيەتى» جۋرنالىنىڭ باس رەداكتورى، جۇڭگو از ۇلت جازۋشىلارى قوعامىنىڭ ورىنباسار باستىعى شى ينيڭ، جۇڭگو جازۋشىلار وداعى ورگان پارتكومىنىڭ ۇنەمىلىك ىستەرگە جاۋاپتى ورىنباسار شۋجيى، جۇڭگو از ۇلت جازۋشىلار قوعامىنىڭ ورىنباسار باستىعى لي شياۋميڭ، جۇڭگو ۇلتتار ءتىل – جازۋ اۋدارما مەكەمەسىنىڭ باستىعى الىمجان ءسابيت، ورىنباسار مەكەمە باستىعى لي ۋانيڭ، جۇڭگو جازۋشىلار باسپا – ءسوز توبى باسقارۋ كوميتەتىنىڭ ورىنباسار مەڭگەرۋشىسى شۇي جۇڭجى قاتارلى باسشى جولداستار سيلىق تاراتۋ سالتىنا قاتىناستى، سيلىق تاراتۋ سالتىن «ۇلتتار ادەبيەتى» جۋرنالى باس رەداكتورىنىڭ ورىنباسارى جاۋ يانبياۋ باسقاردى.

　　2014 – جىلى «ۇلتتار ادەبيەتى» جۋرنالى سول جىلعى حانزۋ، موڭعۇل، زاڭزۋ، ۇيعۇر، قازاق، چاۋشيان تىلدەرىندەگى شىعارمالاردىڭ اراسىندان 39 شىعارمانى سارالاپ شىققان، مۇنىڭ ىشىندە 9 شىعارما «جۇڭگو ارمانى» اتتى شىعارما قابىلداۋ جارىسىندا سيلانعان، سيلانعان شىعارمالار ىشىندە اڭگىمە، شالقىما، ولەڭ، وچەرك، اۋدارما، انا تىلدەگى شىعارمالار قاتارلى 6 ءتۇر بويىنشا ساراپتالعان.

　　«ۇلتتار ادەبيەتى» جۋرنالىنىڭ باس رەداكتورى شى ينيڭ ءسوز كەزەگىندە: وتكەن ءبىر جىلدا از ۇلتتار ادەبيەتى پارتيا مەن مەملەكەتتىڭ ءمان بەرۋى جانە قامقورلىعى، جۇڭگو جازۋشىلار وداعىنىڭ «از ۇلتتار ادەبيەتىن دامىتۋ ينجەنەرياسىنىڭ» پارمەندى قولداۋى، قالىڭ جازۋشىلار مەن ادەبيەت قىزمەتكەرلەرىنىڭ بىرلىكتە قۇلشىنۋىنىڭ ارقاسىندا قۇلپىرا اشىلىپ، ناتيجەلەرگە تولى بولدى، - دەدى.

　　«ۇلتتار ادەبيەتى» جۋرنالىنىڭ قازاقشا باسىلىمىنىڭ 2014 – جىلعى ۇزدىك شىعارما سيلىعىن ەنشىلەگەن شىعارمالار مىنالار:

　　1. ءزاۋلىم عيماراتتار (اڭگىمە) اۆتورى: فان شياۋچيڭ (حانزۋ)

　　اۋدارعان: بالاپان راباتوۆ

　　2. ءومىر وزەن (پوۆەست)

　　اۆتورى ما جينليان (حۇيزۋ)

　　اۋدارعان: قاديلا نۇرعالي قىزى

　　3. توپىراق ءيسى (پوۆەست) اۆتورى: قابدەن وجاۋباي ۇلى

　　4. التىن ۇيا (ەكى اڭگىمە) اۆتورى: باھار بەردىبەكوۆا

　　5. تۋعان جەر (ولەڭدەر) اۆتورى: ماقان بايدۇيسەن ۇلى

　　سونىمەن قاتار، قاينار دالەلبەك ۇلى اۋدارعان قاجىبەك ايدارقان ۇلىنىڭ «مەن اسپانعا قايتامىن» ولەڭى «ۇلتتار ادەبيەتى» حانزۋشا باسىلىمىنىڭ 2014 – جىلعى ۇزدىك شىعارما سيلىعىنا يە بولدى.

　　كەلۋ قاينارى: حالىق تورابى