جۇڭگونىڭ ساقشى قىزمەتكەرلەرى مەن سىرتقى ىستەر مينيستىرلىگىنىڭ كۇش بىرىكتىرىپ سەلبەسۋىنىڭ ارقاسىندا، يتاليانىڭ ساقشى قىزمەتكەرلەرى مەن زاڭ اتقارۋ ورگاندارىنىڭ بىرىگىپ سەلبەسۋىندە، 3 – اقپان قوعام حاۋىپسىزدىك تاراۋىنىڭ شەكارا سىرتىنداعى قىزمەت گرۋپپاسى يتاليادا قاشىپ جۇرگەنىنە 10 جىل بولعان جاڭ فاميلليالى ەكونوميكالىق قىلمىستىنى زاڭ بويىنشا ەلىمىزگە وتكىزدى. بۇل ەۆروپا مەملەكەتتەرىنىڭ تۇڭعىش رەت ەلىمىزگە ەكونوميكالىق قىلمىستىنى وتكىزۋى. جاقىنعى مەزگىلدە، جۇڭگونىڭ ساقشى قىزمەتكەرلەرى قاتىستى مەملەكەتتەردەن ءبىر توپ شەتەلدە قاشىپ جۇرگەن ەكونوميكالىق قىلمىستىلاردى جالعاستى زاڭ بويىنشا ەلىمىزگە وتكىزەدى.
ۇعىسۋعا قاراعاندا، جاڭ فاميلليالى اسىلىندە حىبەيدىڭ ءمالىم اكتسيا سەرىكتىگىنىڭ قىزمەتكەرى ەكەن. 2000 - جىلى قاڭتاردان 2005 - جىلى قاڭتارعا دەيىن، جاڭ فاميلليالى قىزمەت قولايلىلىعىنان پايدالانىپ، قاريدارلاردىڭ اكتسيا ەسەپ قاراجاتىنان جالپى 1 ميلليون 400 مىڭ يۋاننان استام قاراجات قىمقىرعان. 2005 - جىلى قازاندا جاڭ فاميلليالى يتالياعا جاسىرىن قاشادى. 2015 – جىلى 16 - قاڭتاردا يتاليا جاق جاڭ فاميلليالىنى جۇڭگوعا وتكىزۋدى رەسمي تۇردە بەكىتتى.
(اۋدارماسىن قاداعالاۋشى: قۇربان شاپاعات ۇلى)
كەلۋ قاينارى: حالىق تورابى