قاشقار قالالىق 18 – باستاۋىش مەكتەپ فۋتبول كومانداسى

2015.02.10 15:55   كەلۋ قاينارى : حالىق تورابى

　　سۋرەتتە: ەرشەت يمام، بيىل 12 جاستا، جاسىل الاڭداعى ورنى قاقپاشى.

　　حالىق تورابى، 10 – اقپان، بەيجيڭ. 3 – اقپان، تۇنىمەن قالىڭ قار جاۋىپ، قاشقار قالالىق 18 – باستاۋىش مەكتەپ فۋتبول الاڭىن قار باسىپ سالدى. تۇسكى ساعات 12دە، ون نەشە جاس شاماسىنداعى ءبىر توپ جەتكىنشەك وسى قارلى الاڭدا قىزىلتاناۋ بولىپ ماشىق جاساي باستادى، مىنە بۇلار اتاعى الىس – جاقىنعا تارالعان قاشقار قالالىق 18 – باستاۋىش مەكتەپ فۋتبول كومانداسىنداعىلار ەدى.

　　ۇعىسۋعا قاراعاندا، 18 – باستاۋىش مەكتەپ فۋتبول كومانداسى 2011 – جىلى ناۋرىز ايىندا قۇرىلعان، ىلگەرىندى – كەيىندى بولىپ، قاشقار، وڭتۇستىك شينجياڭ قاتارلى مەكتەپتەر ارا فۋتبول جارىسىنا قاتىناسقان، ءارى كوپ رەت باس جۇلدەنى العان. قازىر بۇل مەكتەپتە فۋتبولشى 24 وقۋشى بار، 13 وقۋشى مەكتەپ كومانداسىنا تالدانعان، بۇلاردىڭ ەڭ ۇلكەنى 13 جاستا، ەڭ كىشكەنەسى 8 جاستا.

　　«بۇل جەتكىنشەكتەر جاسى كىشكەنە بولعانىمەن، جاسىل الاڭدا ولار شەتىنەن «كىشكەنتاي جولبارىس» مەيلى جاسىل الاڭداعى ساڭلاقتار بولسىن نەمەسە الاڭ سىرتىنداعى زاپاستاعى ساڭلاقتار بولسىن، ءبارى ءبىر ولشەمدەگى ماشىق ادىسىمەن جاتتىعادى»،-دەدى كوماندانىڭ باپكەرى ماحمۇتجان.

　　كەلۋ قاينارى: حالىق تورابى