بەدەلدى دە قولى دۋالى شيپاگەردىڭ تاپقىرلىعى

2015.02.12 14:32  

　　ەرىكتى ءتىلشى سەرىك يمانقان ۇلى حابارلايدى. بۋرىلتوعايداعى ەل اراسىندا «ساحارانىڭ كيەلى شيپاگەرى» دەگەن ابىرويلى اتاققا يە ءماۋلىپشارىپ قاپاس ۇلى تاپقىرلاپ جاساعان مويىن ومىرتقا قاڭقا سۇيەگىن ورنىقتىرعىش تاياۋدا مەملەكەت جاعىنان جاڭا تۇردەگى قولدانىلمالى پاتەنت ۇقىعىنا يە بولدى.

　　بۇل اسپاپتىڭ قۇرىلىمى الدىڭعى وزەك قوندىرعى، ارتقى وزەك قوندىرعى بولىپ بولىنەدى. الدىڭعى وزەك قوندىرعىنىڭ باسى يمەكتەۋ كەلىپ، يمەكتەلگەن ءبولىمىنىڭ باسىنا استىڭعى جاق وزەگى ورناتىلعان، الدىڭعى وزەك تاقتايشانىڭ جاپسارلارىنا بىرنەشە ۇياشىق ساڭلاۋلار قالدىرىلىپ، ساڭلاۋدان تارتىپ ءجىپ وتكىزىلىپ بايلانعان. ال ارتقى وزەك قوندىرعىنىڭ ءبىر باسى يمەك كەلىپ، جاعالاۋىنان بىرنەشە ۇياشىق كوز تاستالىپ، ءجىپ ارقىلى الدىڭعى وزەك قوندىرعىمەن تۇتاسىپ جاتادى.

　　بۇل اسپاپتى پايدالانعاندا، مويىن ومىرتقا قاڭقا سۇيەك ورنىقتىرعىشتى موينعا سالىپ، ونان كەيىن ءجىپتى ارتقى وزەك قوندىرعىنىڭ ۇياشىق كوزىنەن وتكىزىپ، شۋماقتاپ اكەلىپ الدىڭعى قوندىرعىنىڭ بەت بولىمىنەن بايلايمىز. بۇل اسپاپتى مويىنعا تاققاننان كەيىن، بويدى تىك الىپ جۇرۋگە، وتىرۋعا، نەمەسە جانتايىپ جاتۋعا دا بولادى، ۇزاق ۋاقىت پايدالانعانداردىڭ مويىن ومىرتقا شەرشەۋى وزدىگىنەن قالپىنا كەلەدى، قۇرىلمى قاراپايىم، ىستەتۋگە قولايلى.

　　جاسى الپىستىڭ جۋان ىشىنە كەلگەن ءماۋلىپشارىپ ءوزىنىڭ ورەلى شيپاگەرلىك ونەرى جانە شيپاگەرلىك ءمورالى ارقىلى «كيەلى شيپاگەر» دەگەن قۇرمەتكە بولەنىپ، ەل - جۇرتتىڭ القاۋىن الىپ كەلەدى. ونىڭ ءار ۇلت باۋىرلاستارعا، اسرەسە، قيىنشىلىعى بار بۇقاراعا بەرگەن قالتقىسىز كومەگى 200 مىڭ يۋاننان اسقان. ول جانە قازاق شيپاگەرلىگى جايلى ءۇش كىتاپ جازىپ، 68 نۇسقا ماڭىزدى عىلمي ماقالانى باسپا بەتىنە بەرگەن. ىلگەرىندى - كەيىندى «مەملەكەتتىك 5 - مامىر ەڭبەك وردەنىنىڭ»، «شينجياڭدى گۇلدەندىرۋ وردەنىنىڭ» يەگەرى بولۋمەن قاتار، سان مارتە اۆتونوميالى رايوندىق ۇلتتار ىنتىماعىنىڭ وزاتى، تاڭداۋلى قىزمەتكەر، تاڭداۋلى پارتيا مۇشەسى سىندى داڭقتى ماراپاتتارعا يە بولعان.

　　ۇعسۋعا قاراعاندا، قولى دۋالى شيپاگەرىمىز بيىل تاعى التى تاپقىرلىقتىڭ پاتەنت ۇقىعىن ءوتىنىش ەتۋگە دايىندالىپ وتىر.

　　سوڭعى جىلداردان بەرى، بۋرىلتوعاي اۋدانى ءبىلىم مەنشىك ۇقىعى ستراتەگياسىن كۇش سالا اتقارىپ، عىلىم - تەحنيكالىق تىڭ دامۋدىڭ جاڭا ورتاسىن جاراتىپ، وزىندىك جاسامپازدىق قۋاتىن جوعارىلاتىپ، دەربەس ءبىلىم مەنشىك ۇقىعىنىڭ سان مولشەرىن ارتتىرىپ، ساپانى ارقاۋ ەتىپ، ءبىلىم مەنشىك ۇقىعىن قورعاۋ، باسقارۋ، جاڭالىق جاراتۋ، پايدالانۋ سىندى جان - جاقتىلى جەتىلۋدى ۇزدىكسىز جەبەپ، ءار سالا، ءار كاسىپتەگى ءبىلىم مەنشىك ۇقىعىن قورعاۋ تانىمىن ءونىمدى تۇردە جوعارىلاتىپ، بۋرىلتوعايدى جاڭالىق جاراتۋعا بەيىم اۋدان ەتىپ قۇرىپ شىعۋدىڭ الىمدى قادامىن جەدەلدەتتى.

　　كەلۋ قاينارى: حالىق تورابى