بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

كەمەلىنە كەلگەن اقساي ۇلتتىق ءان – ءبي ۇيىرمەسى

2015.02.12 15:08   كەلۋ قاينارى : حالىق تورابى



  حالىق تورابى، 12 – اقپان، اقساي. (ەرىكتى ءتىلشى ماقان قاپاس ۇلى) اقساي ۇلتتىق ءان – ءبي ۇيىرمەسى الدىڭعى عاسىردىڭ 80 – جىلدارىندا قۇرىلعان، كەيىنتىندە ءان – ءبي ۇيىرمەسى تاراتىلىپ، 2000 – جىلى قايتادان ۇيىمداستىرىلعان، بۇگىنگە دەيىن ءبىر توپ ۇزدىك كوركەمونەر دارىندىلارىن تاربيەلەپ شىقتى. ءبىراق، دارىندىلاردىڭ، وتە – موتە، ۇزدىك دارىندىلاردىڭ تاپشىلىعى ۇلتتىق ءان – ءبي ۇيىرمەسىنىڭ دامۋ جولىنداعى قيىن وتكەل بولىپ وتىر. قازىر اقساي اۋداندىق پارتكوم مەن حالىق ۇكىمەتى دارىندىلاردى تاربيەلەۋ مەن ولاردى تاڭداپ تابۋ، دارىندىلاردى تاربيەلەۋ مەن ۇزدىك دارىندىلاردى ەنگىزۋ سىندى ءادىس – امالداردى ۇشتاستىرىپ، 2013 – جىلى اۋداندىق ۇلتتىق ءان – ءبي ۇيىرمەسىن قايتادان جاساقتاپ، بۇل ۇيىمعا قايتادان ومىرشەڭدىك قۋات سيلادى.

  2013 – جىلى اقساي ۇلتتىق ءان – ءبي ۇيىرمەسى شينجياڭنىڭ ىلە قازاق اۆتونوميالى وبلىسىنداعى ايماق، اۋدانداردا ارالاپ ءجۇرىپ ويىن قويىپ، سول جەردەگى قازاق تۋىسقاندار مەن كوركەمونەر سالاسىنداعىلاردىڭ القاۋىنا بولەندى. 2014 – جىلى ءان – ءبي ۇيىرمەسى كولەمدى ءان – ءبي داستانى ـــ «ۋىزناماعا» جاتتىعۋ جاسادى ءارى اۋداننىڭ 60 جىلدىق تويىندا تارتىمدى ونەر كورسەتتى. اتاپ وتۋگە تاتيتىنى، ءپاريدا، ەرتاي قاتارلى جاس انشىلەر ولكەلىك جانە سىرتقى ولكەلەردەگى كوركەمونەر بايقاۋلارىنا، جارىستارعا تالاي رەت قاتىناسىپ سيلانعان، شينجياڭ تەلەۆيزياسىنىڭ «جۇلدىزدى ءسات» باعدارلاماسى دا جاس ونەرپازداردى كوپ رەت سۇحبات تورىنە شاقىرىپ، كوگىلدىر ەكراندا ولاردىڭ ونەرلەرىن كورەرمەنگە تانىستىردى. قازىرگى تاڭدا جوعارى داۋىستى ءانشى قىزىربەك، تەرمەشى ايدىنگۇل، ءبيشى ءلايلى، كۇلىمجان قاتارلى ۇزدىك ونەرپازدار تۇلەپ ۇشتى.

  ۇيىرمە باستىعى جيا يۇيشيا: قازىر اقساي ۇلتتىق ءان – ءبي ۇيىرمەسىن دامىتۋعا اۋداندىق پارتكوم مەن حالىق ۇكىمەتى وسكەلەڭ ءمان بەرۋدە، ساياساتتىق ورتا دامۋعا ءتيىمدى، ونەر كورسەتۋ شارت – جاعدايىمىز جاقسى، حالىقتىڭ ىقىلاسى دا وزگەشە. قازىر ۇلتتىق ءان – ءبي ۇيىرمەسى كەمەلىنە كەلگەن كەزەڭدە تۇر. وسىنداي شارت – جاعدايدا ءبىز ورايدى مىقتى يگەرىپ، قۇلشىنا ەڭبەك ەتىپ، ءوز ەرەكشەلىگىمىزدى ساقتاپ، ءداستۇرلى ونەردى دامىتىپ، جاپپاي جاڭالىققا تالپىنىپ، حالىق ءۇشىن قىزمەت ىستەۋدە تاباندى بولىپ، ۇلتتىق ءان – ءبي ۇيىرمەسىن جىبەك جولىنداعى كەلبەتى كوز تارتاتىن اقساي اۋدانىنىڭ جارىق جۇلدىزىنا اينالدىرۋىمىز كەرەك، - دەدى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 【23】 【24】 【25】 【26】 【27】 【28】 
جاۋاپتى رەداكتورى : نۇرعيسا قۇرمانجان ۇلى

 سۋرەت