ساقشى 13 – اقپاندا ءىس تۋدىرۋشىنىڭ اۆتوكولىگىنە تەكسەرۋ جۇرگىزۋدە.
حالىق تورابى، 13 – اقپان، بەيجيڭ. شاڭحاي قالالىق قوعام حاۋىپسىزدىگى مەكەمەسىنىڭ 13 – اقپان كۇنى تاڭ سارىدە جاريالاعان حابارىنا قاراعاندا، 12 – اقپان كۇنى ساعات 21دەن 43 مينۋت وتكەندە، «تويوتا» ماركالى قارا ءتۇستى اۆتوكولىك ءۇرىمجى وڭتۇستىك جولىندا تەرىستىكتەن تۇستىككە قاراي كەلە جاتىپ، كەنەتتەن وڭعا بۇرىلىپ، حۋايحاي ورتا جولى 1469 – اۋلانىڭ (ا ق ش – تىڭ شاڭحايداعى كونسۋلحاناسىنىڭ جان ەسىگى) راشەتكاسىنا سوعىلىپ توقتاپ، كۇزەتتە تۇرعان قارۋلى ساقشىنى جارالاعان. سول ماڭدا شارلاۋدا جۇرگەن حالىق ساقشىلارى ءىس تۋىلعان جەرگە دەرەۋ جەتىپ، قارۋلى ساقشىلارمەن بىرگە ءىس تۋدىرۋشىنى ۇستاعان. تەكسەرۋ ناتيجەسىنە قاراعاندا، ءىس تۋدىرعان جىگىتتىڭ اتى ليۋ داۋجيە، 35 جاستا، فۋجيان ولكەسى سانميڭ قالاسى جياننيڭ اۋدانىنىڭ تۇرعىنى. قازىر ونىڭ كولىك جۇرگىزگەن كەزدە سپيرتتى ىشىمدىك نەمەسە ەسىرتكى تۇتىنباعانى انىقتالدى، وقيعا قازىر تەكسەرىلۋ ۇستىندە.
كەلۋ قاينارى: حالىق تورابى