قاشقار ناعىز جىگىتتەر كومانداسى «كىم فۋتبول پاتشاسى» اتىنداعى بۇقارالىق جارىستىڭ اعا جۇلدەگەرى بولدى

2015.02.15 10:36   كەلۋ قاينارى : حالىق تورابى

　　حالىق تورابى، 15 – اقپان، بەيجيڭ. 14 – اقپان، «كىم فۋتبول پاتشاسى» اتىنداعى جۇڭگو بۇقارالىق جارىستىڭ شەشۋشى جارىسى بەيجيڭ مەملەكەتتىك دەنە – تاربيە سارايىندا وتكىزىلدى. ەكى جارىم ساعاتتىق قىزۋ سايىستا، قاشقار ناعىز جىگىتتەر كومانداسى، شياڭگاڭ 15 فۋتبول كومانداسى، گۋاڭدۇڭ يفىڭ كومانداسى جەكە – جەكە ورەندەر گرۋپپاسى، جاستار گرۋپپاسى، قوعامدىق گرۋپپالاردىڭ اعا جۇلدەگەرى بولدى.

　　شينجياڭ قاشقار قالاسىنان كەلگەن قاشقار ناعىز جىگىتتەر كومانداسى بۇل رەتكى «كىم فۋتبول پاتشاسى» اتىنداعى بۇقارالىق جارىستا 9 مايدان جارىستا 91 دوپ سالىپ، ەرەكشە كوزگە ءتۇستى، ايتا كەتۋگە تاتيتىنى شينجياڭنىڭ قازىرگى كاسىپتىك فۋتبولداعى شارت – جاعدايى نەمەسە نەگىزى بولسىن ىشكەرىدەگى دامىعان رايونداردان الدە قايدا ناشار ەكەنى بارلىعىمىزعا بەلگىلى. ءبىراق شينجياڭ ورەندەرىنىڭ دەنە قۋاتى، تەحنيكالىق ورەسى، بارىنەن دە ماڭىزدىسى فۋتبولعا دەگەن قىزعىندىلىعى ەرەكشە بولىپ، ولار كىشكەنتاي بولسا دا اسقاق ارمانعا قول سوزىپ ۇلگىرگەن.

　　جۇڭگو فۋتبولىن دامىتۋ ۇستەگى جىلى رەسمي جوسپارعا الىنىپ، ول جونىندە رەسمي قۇجات شىعارىلدى. ەندىگى جەردە شەتەلدەگى فۋتبول ويىنى دامىعان مەملەكەتتەرمەن شىنايى توقتامعا وتىرىپ، بۇل جۇمىسقا بەل شەشىپ كىرىسەتىنى بەلگىلى بولىپ وتىر. وسى ورايدا شينجياڭداعى فۋتبول جانكۇيەرلەرىنىڭ ءوز ونەرلەرىن كورسەتىپ، ورايدى مىقتى يگەرۋى كەزەك كۇتتىرمەيتىن جاعداي. ال بۇگىنگى «كىم فۋتبول پاتشاسى» اتىنداعى بۇقارالىق جارىستا شينجاڭدىق جاس ورەندەردىڭ باس جۇلدەنى الۋى تەك بۇل ءىستىڭ باستاماسى، ال وسى، ورايدان تولىق پايدالانا ءبىلۋ ۋاقىت پەن بۇدان بىلايعى مىقتاپ قۇلشىنۋدىڭ ەنشىسىنە قالىپ وتىر.

　　كەلۋ قاينارى: حالىق تورابى