قازاق ازاماتى دۇنيە جۇزىلىك رەكورد جاراتتى

اۆتورى: لي لين

جۇڭگو گازەتى تورىنان اۋدارعان سەنبەك اۋەسقان ۇلى

2015.03.02 13:53  

　　ارشىن نامازبەك ۇلى قازاق ۇلتىنىڭ ازاماتى، 1986 - جىلى شينجياڭنىڭ التاي ايماعىندا تۋىلعان.

　　اقپاننىڭ 27 - كۇنى شياڭگاڭدا دۇنيە جۇزىلىك رەكورد قوعامىنىڭ جوعارى دارەجەلى كۋالاندىرۋ ءمانساپتىسى ۋ حۋاجياڭ ارشىن نامازبەك ۇلىنىڭ قۋىرشاق سۋرەت جوبالاپ سىزۋدا دۇنيە جۇزىلىك رەكورد جاراتقانىن جاريالادى.

　　جۇڭگو شينجياڭ ۇيعۇر اۆتونوميالى رايونى التاي قالاسىنىڭ ازاماتى ارشىن نامازبەك ۇلى 2007 - جىلدان 2014 - جىلعا دەيىن جالپى 3157 پارشا قۋىرشاق (كارتون) وبرازىن (ادام، حايۋانات، قۇبىجىق) جوبالاپ جانە سىزىپ، دۇنيە ءجۇزى بويىنشا قۋىرشاق وبرازىن (ادام، حايۋانات، قۇبىجىق) جوبالاۋى ەڭ كوپ بولۋ سىندى دۇنيە جۇزىلىك رەكورد جاراتتى.

　　ۋ حۋاجياڭ مىرزا ارشىن نامازبەك ۇلىنىڭ قۋىرشاق تۋىندىلارىن باعالاعاندا بىلاي دەدى: ارشىن نامازبەك ۇلىنىڭ قۋىرشاق تۋىندىلارىنىڭ بىرىنشىدەن سانى كوپ؛ ەكىنشىدەن سىزىلۋى كوركەم، وبرازى ايقىن، ءارقايسىسىنىڭ وزىندىك ەرەكشەلىگى بار؛ ۇشىنشىدەن وتە ماعىنالى. ۋ حۋاجياڭ مىرزا بىلاي دەدى: «دۇنيە جۇزىلىك رەكورد قوعامىنىڭ باس شتابى شياڭگاڭدا، بۇل – شىعىس پەن باتىستىڭ مادەنيەتى توعىسقان جەر، مەن شياڭگاڭدىقپىن، ۇلكەن جاقتان ايتسام جۇڭگولىقپىن، مەن جۇڭگولىق ارشىن نامازبەك ۇلىنىڭ قۋىرشاق تۋىندىلارى دۇنيە جۇزىلىك رەكوردقا ەنگىزىلگەننەن كەيىن دۇنيە جۇزىندەگى ءتىپتى دە كوپ ادامنىڭ جۇڭگونىڭ قۋىرشاق تۋىندىلارىن تۇسىنۋىنە جانە وعان قىزىعۋىنا تۇرتكى بولۋىن ءۇمىت ەتەمىن».

　　ارشىن نامازبەك ۇلى قارشادايىنان سۋرەت سالۋعا اۋەستەنەدى، قۋىرشاق سۋرەتىنە توتەنشە قۇمار بولادى. 2008 - جىلى بەيجيڭگە بارىپ قۋىرشاق سۋرەتىن سىزۋمەن 2013 - جىلعا دەيىن شۇعىلدانادى. ارالىقتا كينو سۋرەتشىسى بولىپ، كەيىپكەر جوبالايدى.2007 - جىلدان باستاپ وزىنە تاۋەلدى ءتول جاسامپازدىق سيپاتتى قۋىرشاق وبرازدارىن جوبالاۋعا كىرىسەدى، باستابىندا 30 شامالى تۋىندى جاراتسا دا، سان-ساناقسىز جوبانى قايتالاماي جاساۋعا، ونىڭ ۇستىنە دۇنيە جۇزىندە بۇرىن بولماعان قۋىرشاق وبرازىن جاراتۋعا بولاتىنىن بايقايدى. وسىدان كەيىن 2015 - جىلعا دەيىن ۇزدىك - سوزدىق جوبالاپ، سىزۋمەن بولىپ، 3000نان استام قايتالانباعان قۋىرشاق وبرازىن جاراتادى، تۋىندىلارى قازىر دە ۇزدىكسىز مولىعۋدا.

　　ارشىن نامازبەك ۇلى بىلاي دەدى: «دۇنيە جۇزىلىك رەكورد قوعامى بەرگەن دۇنيە ءجۇزى بويىنشا قۋىرشاق وبرازىن جوبالاۋى ەڭ كوپ دەگەن رەكورد كۋالىگىن العانىما توتەنشە قۋانىشتىمىن، وسى رەكورد ارقىلى ەلىمىزدەگى سۋرەتشىلەردىڭ قۋىرشاق سۋرەتى جاعىنداعى توتەنشە باي قيالداۋ قۋاتى مەن جاسامپازدىق قابىلەتىن ايگىلەگىم كەلەدى، ءتىپتى دە كوپ قۋىرشاق سۋرەتى اۋەسكەرىنىڭ جانە قۋىرشاق سۋرەتىن سىزۋمەن شۇعىلدانۋشىلاردىڭ ءتول جاسامپازدىققا بەيىدەلۋىن، شەتەلدىڭ تۋىندىلارىنا كوزسىزدىكپەن ەلىكتەمەۋىن ءۇمىت ەتەمىن».

　　ارشىن نامازبەك ۇلى تاعى بىلاي دەدى: «ارمانعا تالپىنۋ جولىمدا ونەر ۇيرەتكەن قامقور ۇستازدارىما جانە العا باسۋىما قولداۋشى بولعاندارعا ايرىقشا راقىمەت ايتامىن، دۇنيە جۇزىلىك رەكورد قوعامىنا دا ايرىقشا راقىمەت ايتامىن». ول ءوزىنىڭ الداعى جەردە تىنباي قۇلشىنىپ، ءتىپتى دە كوپ تۋىندى جاراتىپ، قۋىرشاق سۋرەتىنە قىزىعۋشىلاردىڭ نازارىنا ۇسىناتىنىن ءبىلدىردى.

　　كەلۋ قاينارى: «ىلە كەشى»