شي جينپيڭنىڭ از ۇلت «دوستار اۋماعى»(2)

2015.03.09 16:17  

　　مياۋزۋ دوستارى شى چي – ۋىن مەن شى چىڭفۋ

　　2013– جىلى 3 – قاراشادا حۋنان ولكەسىندە قىزمەتتى كوزدەن كەشىرىپ جۇرگەن شي جينپيڭ سوقپاقتى تاۋ جولىمەن حۋاحىڭ اۋدانى شىبادۇڭ قىستاعىنداعى وتباسىندا ەرەكشە قيىنشىلىعى بار شى چي – ۋىننىڭ ۇيىنە كەلدى. اعاش ءۇيدىڭ ءتورت قابىرعاسى ابدەن ىستالىپ قارايىپ كەتىپتى، ءۇي ىشىندە «ەلەكتر جابدىعىنان» ەلەكتر ۇنەمدەۋىش شام عانا كوزگە شالىنادى. شى چي – ۋىن قارتتىڭ قوساعى شى پاجۋان «اتىڭىز كىم بولادى؟»، ــ دەپ سۇرادى، وعان قىستاق مەڭگەرۋشىسى «بۇل كىسى باس شۋجي»، ــ دەدى. شي جينپيڭ قارتتىڭ قولىن الىپ، قانشا جاسقا كەلگەنىن سۇراپ، ەستۋىمشە، جاسىڭىز 64 تە ەكەن، ماعان اپەكە بولادى ەكەنسىز دەدى.

　　«ازىق – تۇلىك جەتكىلىكتى مە؟»، «جەمىس اعاشتار وسىردىڭىزدەر مە؟»، «شوشقا باقتىڭىزدار ما؟»، دەپ شي جينپيڭ ەكى قارتتىڭ ءوندىرىس – تۇرمىس جاعدايلارىن تاپتەشتەي سۇرادى. ولار باعىپ جاتقان شوشقامىز بار دەگەننەن كەيىن، شي جينپيڭ ولاردان «ونىڭ ەتىن وزدەرىڭىز جەيسىزدەر مە، الدە ساتاسىزدار ما»، ــ دەپ سۇرادى، ونان سوڭ ەكى قارتتىڭ دەمالاتىن شاعىن اعاش ۇيگە كىرىپ، كۇرىش سالاتىن ساندىعىن اشىپ كوردى، ودان شوشقا قوراعا كىرىپ قولدا باعىلىپ جاتقان ەكى شوشقاسىن دا كوردى.

　　2013– جىلى 3 – قاراشادا حۋنان ولكەسىندە قىزمەتتى كوزدەن كەشىرىپ جۇرگەن شي جينپيڭ حۋاحىڭ اۋدانى شىبادۇڭ قىستاعىنداعى ەڭ تومەنگى تۇرمىسى قامتاماسىزداندىرىلاتىن شى چىڭفۋدىڭ وتباسىنا كەلىپ، اۋلادا قىستاق كادرلارىمەن، قىستاق تۇرعىندارىنىڭ ۋاكىلىمەن اڭگىمەلەسىپ، اۋىز سۋ، جول، ەلەكتردەن تارتىپ وقۋ – اعارتۋ، ەمدەۋ – دەنساۋلىق ساقتاۋ سياقتى جايتتەردى ءبىر – بىرلەپ ۇعىستى. ول بۇگىن بۇل اراعا كەلۋدەگى ماقساتىم وتە انىق، ياعني حۋنانداعى از ۇلت باۋىرلاستارعا امانداسا كەلىپ وتىرمىن، مەن از ۇلت قىستاقتارىنىڭ ناعىز بەينەسىن كوزدەن كەشىرەيىن، الدىنالا ەشقانداي دايىندىق كورمەڭدەر، بۇرىن قانداي بولسا، ازىر دە سونداي بولسىن، كوپشىلىكتىڭ تۇرمىس جاعدايىن ءوز كوزىممەن كورەيىن دەگەن بولاتىنمىن دەدى.