شي جينپيڭنىڭ از ۇلت «دوستار اۋماعى»(4)

2015.03.09 16:17  

　　ۇيعۇر دوسى ءابدىقىيم روزى

　　2014– جىلى 28 – ساۋىردە شينجياڭدا قىزمەتتى كوزدەن كەشىرىپ جۇرگەن شي جينپيڭ قاشقار ايماعى كونە ءشارى اۋدانى توققۇزاق قالاشىعى اياق ءمالى قىستاعىنداعى كادرلار مەن بۇقاراعا امانداسا بارىپ، ۇيعۇر قىستاق تۇرعىنى ابدىقيم روزىنىڭ وتباسىنا باردى. شي جينپيڭنىڭ كەلۋى ءبىر ءۇيلى جاندى قاتتى قۋانىشقا بولەدى. شاتتىققا شومعان ءۇي يەسى ۇيعۇرلاردىڭ قادىرلى قوناقتاردى كۇتىپ الۋ سالتى بويىنشا، شي جينپيڭعا گۇلدى تاقيا كيگىزدى. شي جينپيڭ تۇرمىستىق ءۇي، اس ءۇي، مال قورا، جەمىس باقشاسى، ەگىنشىلىك ماشينا – جابدىقتارى سياقتىلاردى ءبىر – بىردەن كوزدەن كەشىرىپ، بۇكىل وتباسىنىڭ ءوندىرىس – تۇرمىس جاعدايىن ەگجەي – تەگجەيلى ۇعىستى.

　　اۋلادا شي جينپيڭ اۋىل – قىستاق كادرلارىمەن جانە قىستاق تۇرعىندارىمەن اڭگىمەلەستى. ابدىقيمنىڭ اكەسى روزى قىستاقتاعى ساقا ياچەيكا شۋجيى ەكەن، اقساقال اسەرلەنگەنىنەن ورنىنان تۇرىپ، وڭ قولىن كەۋدەسىنە اپارىپ، وسىنداي وزگەشە تاسىلمەن تىلمەن ايتىپ جەتكىزگىسىز العىسىن ءبىلدىردى، ول: «پارتيانىڭ حالىققا ءتيىمدى ساياساتى جەتەرلىك، بالالار مەكتەپكە تۇسسە قورەكتىك قوسىمشا قاراجات بەرىلەدى، قارتتار ەمدەلسە ەمدەۋدى قامسىزداندىرۋدان يگىلىكتەنەدى. اۋىل شارۋاشىلىعىنا بەرىلەتىن قوسىمشا قاراجات تا مول، ساپالى تۇقىم جاردەم قاراجاتى، اۋىل شارۋاشىلىق ماشينالارى جاردەم قاراجاتى سياقتىلار بەرىلەدى، قامتاماسىزدىق بەيقۇت ءۇي قوسىمشا قاراجاتى تاعى بار. قوسىمشا قاراجاتتىڭ كوپتىگىنەن ون ساۋساقپەن ساناپ تاۋىسۋ مۇمكىن ەمەس. . . »، ـــ دەدى.

　　شي جينپيڭ ابدىقيمعا وتباسىڭىزدىڭ تۇرمىس ورەسىن كورىپ، قاتتى قۋاندىم. سىزدەرگە امانداسا كەلۋىمدەگى ماقسات پارتيانىڭ حالىققا تيىمدىلىك جەتكىزەتىن ساياتتارىنىڭ حالىقتىڭ جۇرەگىنەن جول تاۋىپ، رولىن ساۋلەلەندىرە العان – الماعانىن كورۋ ءۇشىن، حالىق بۇقاراسىنىڭ تىلەگىنە ۇيلەسەتىن ءىس بولسا بولعانى پارتيامىز سول ءۇشىن كۇرەس جاسايدى، مەن پارتيانىڭ ساياساتتىق سۇيەمەلدەۋىنىڭ ارقاسىندا تۇرمىستارىڭىزدىڭ ءتىپتى دە باياشاتتى بولا بەرۋىن تىلەيمىز دەدى.