بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

شي جينپيڭنىڭ از ۇلت «دوستار اۋماعى»(5)

2015.03.09 16:17  



  ء

  بايزۋ باۋىرلارىمىز لي دىچاڭ، ما ۋيلياڭ

  2015-جىلى 20-قاڭتار تۇستەن بۇرىن، يۇنناندا تەكسەرۋدە جۇرگەن شي جينپيڭ دالي بايزۋ اۆتونوميالى وبلىسى دالي قالاسى ۋانچياۋ قالاشىعى گۋشىڭ قىستاعىنا كەلدى. تاۋ جاستانعان وزەن جاعاسىنداعى گۋشىڭ قىستاعىنىڭ نەشە مىڭ جىلدىق تاريحى بار. شي جينپيڭ قىستاق تۇرعىنى لي دىچاڭنىڭ وتباسىنا كەلدى. دىڭگەك-ءماتشالارى ويۋلاپ، اشەكەيلەپ سالىنعان بۇل ءۇيدىڭ اۋلاسى رەتتى، تازا ەكەن، ەسىك الدى دا جايناپ تۇر، ۇيدەگى ءتورت ۇرپاقتان قۇرالعان 7 جاننىڭ بىرگە تۇراتىنىن كورىپ باس شۋجي قاتتى قۋاندى. ول: «بۇل جەردىڭ ورتاسى رەتتى، تازا ەكەن، ءارى بۇرىنعى بەينەسىن دە ساقتاپتى، مۇنداي اۋلا باتىس ۇلگىسىندەگى قاباتتى ۇيدەن جاقسى، مۇنداي جەردە ادامنىڭ اۋىل ساعىنىشى ەستەن كەتپەيدى.»

  شي جينپيڭ اۋلادا اۋىلداستارمەن قىسىر كەڭەس سوقتى. ول: «داليگە تۇڭعىش كەلۋىم، بۇل اراداعى جاسىل ساڭشان تاۋى مەن كوركەم ىرحاي كولى جونىندەگى اڭگىمەلەردى بالا كەزىمنەن ەستىپ، ءبىر كورۋدى اڭساۋشى ەدىم. سىزدەردىڭ تىرلىكتەرىڭىزدى كورىپ قىزىعىپ قالدىم، شىنىن ايتسام كەتكىم كەلمەدى.» ول كوپشىلىككە: «يۇنناننىڭ ەكولوگيالىق ورتاسى وتە تاماشا، مۇنى ءسوزسىز قاستەرلەڭىزدەر، ءوز قولىمىزدان ءبۇلدىرىپ المايىق» دەپ تابىستادى.

  2015-جىلى 20-قاڭتار تۇستەن بۇرىن، يۇنناندا تەكسەرۋدە جۇرگەن شي جينپيڭ بايزۋ كاسىپكەر ما ۋيلياڭ قۇرعان يۇننان ليفان جۇنما اۆتوموبيل شەكتى سەرىكتىگىنە كەلدى. سەرىكتىكتىڭ قىسقا عانا 10 نەشە جىلدا نەشە ءتۇرلى جۇك اۆتوموبيلىن وندىرگەنىن، قازىر ەلەكتر موتورلى اۆتوموبيلدى زەرتتەپ جاتقانىن، ونىمدەرىنىڭ شىعىس-وڭتۇستىك ازيادا ءوتىمدى ەكەنىن ەستىگەننەن كەيىن، باس شۋجي: اۆتوموبيل بازارىندا باسەكە قيان-كەسكى، الداعى جەردە تىنباي جاڭالىق جاراتىپ، جاڭالىق جاراتۋ ارقىلى بازاريەلەپ، دامۋ ورايىنا يە بولۋلارىڭىزدى ءۇمىت ەتەمىن، ـــ دەدى.

【1】 【2】 【3】 【4】 【5】 【6】 
جاۋاپتى رەداكتورى : مۇحيت امانتاي ۇلى

 سۋرەت