شي جينپيڭنىڭ از ۇلت «دوستار اۋماعى»(6)

2015.03.09 16:17  

　　دۋلوڭ باۋىرىمىز گاۋ دىرۇڭ

　　2015-جىلى 20-قاڭتار كەشتە، يۇنناندا تەكسەرۋدە جۇرگەن شي جينپيڭ ءوزى تۇسكەن قوناق ۇيدە نۋجياڭ وبلىسى گۇڭشان دۋلۇڭ-نۋزۋ اۆتونوميالى اۋدانىنىڭ «ساقا اكىمى» گاۋ دىرۇڭ قاتارلى كادرلار جانە بۇقارانىڭ ۋاكىلدەرىمەن ىقىلاسپەن كەزدەستى.

　　شي جينپيڭ كوپشىلىككە: «بۇگىن بۇل جەردە گۇڭشان دۋلۇڭ-نۋزۋ اۆتونوميالى اۋدانىنىڭۋاكىلدەرىمەن كەزدەسكەنىمە قاباعات قۋانىپ وتىرمىن. دۋلۇڭ ۇلتىنىڭاتىن جۋ زۇڭلي قويعان، دۋلۇڭ ۇلتىنىڭ 6900 نەشە عانا جان سانى بولعانىمەن، جۇڭحۋا ەلىندەگى ۇلتتاردىڭ قارا شاڭىراعىنىڭ تەرەزەسى تەڭ ءبىر مۇشەسى، جۇڭحۋا حالىق رەسپۋبليكاسىندا، جۇڭحۋا ەلىندەگى ۇلتتاردىڭ قارا شاڭىراعىندا ماقتانىشمەن، ابىرويمەن تىرشىلىك ەتىپ جاتىرسىزدار، جۇڭگو كوممۋنيستىك پارتياسىنىڭ باسشىلىعىندا ءار ۇلت حالقىمەن بىرگە قىزمەتتى قۇلشىنا ىستەپ، جاپپاي دوڭگەلەك داۋلەتتى قوعام قۇرۋ جولىندا كۇرەس جۇرگىزەيىك.»

　　شي جينپيڭ ىشكەرىلەي ءتۇسىپ: «سىزدەر شەكاراداعى تاۋلى وڭىردە، كەدەي وڭىردە تىرشىلىك ەتىپ جاتىرسىزدار، جاڭا جۇڭگو قۇرىلۋدان بۇرىن العاشقى قاۋىمدىق جاعدايدا تۇردىڭىزدار. جاڭا جۇڭگو قۇرىلعاننان كەيىن، پارتيا مەن ۇكىمەتتىڭ قامقورلىعىندا دۋلۇڭ ۇلتى العاشقى قوعامنان سوتسياليزمگە قادام باسىپ، ءبىرىنشى رەتكى سەكىرۋدى جۇزەگە اسىردى. جاڭا عاسىردان بەرى، ەكىنشى رەتكى سەكىرۋگە: ءار ۇلت حالقىمەن بىرگە دوڭگەلەك داۋلەتتى ورەگە جەتۋگە قاراي بەت تۇزەدىك. وسى بارىستا پارتيا مەن ۇكىمەت، بۇكىل ەلدەگى ءار ۇلت حالقى دۋلۇڭ ۇلتىنا بۇرىنعىداي قامقورلىق جاسايدى، قولدايدى، كومەكتەسەدى.»

　　شي جينپيڭ گاۋ دىرۇڭعا ىقىلاسپەن: ءسىز ءداۋىرىمىزدىڭ ونەگەسىسىز، جالعىز دۋلۇڭ ۇلتىنىڭ كوشباسشىسى عانا ەمەس، بۇكىل ەلدىڭ تۋىسىز. سىزدەر باستاۋشى بولساڭىزدار، دۋلۇڭجياڭ اۋىلىنىڭ الداعى دامۋى ءتىپتى جاقسى بولماق.

　　سوڭعى ءسوز

　　شي جينپيڭنىڭ از ۇلت «دوستار شەڭبەرى»ءىس جۇزىندە ۇلتتار ىنتىعاعى العا باسارلىعىنىڭ، بىرلىكتە گۇلدەنىپ، ورتاق دامۋدىڭ، جۇڭحۋا ەلىنىڭ ءبىر ءۇيلى جانداي قويۋ سۇيىسپەنشىلىگىنىڭ جاندى دالەلى. شي جينپيڭ اتاپ كورسەتكەندەي: ۇلتتار ءبىرىن ءبىرى ءتۇسىنىپ، ءبىرىن ءبىرى قۇرمەتتەپ، بىرىنە ءبىرى كەڭ پەيىل بولىپ، بىرىنە ءبىرى ءسۇيىنىپ، بىرىنەن ءبىرى ۇيرەنىپ، بىرىنە ءبىرى كومەكتەسكەندە، بەينە اناردىڭ جەمىسىندەي،توننىڭ ىشكى باۋىندايەتەنە بايلانىستا بولادى.

　　باسپا ۇقىعى تۇسىندىرمەسى: بۇل ماقالانىحالىق گازەتىنىڭ امبەباپ مەديا تەكشەسى دايىندادى، كوشىرىپ جاريالاعاندا، پايدالانعاندا ءسوزسىز كەلۋ قاينارىن ەسكەرتۋ كەرەك، قايشىلىق جاساعانداردىڭ جاۋاپكەرشىلىگى قۋزاستىرىلادى.

　　(اۋدارماسىن قاداعالاۋشى: بىلىمبەك ورالبەك ۇلى)

　　كەلۋ قاينارى: حالىق تورابى