بۇگىنگى كۇننىڭ «تايسونى» گولوۆكين

2015.03.10 13:23   كەلۋ قاينارى : ءتاڭىرتاۋ تورابى

　　كاسىپقوي بوكستان وسى كۇندە «جاڭا زاماننىڭ تايسونى» دەگەن اتقا يە قازاقستاندىق جىگىت الەمدى تاڭ قالدىرىپ ءجۇر. 28 رەتكى جارىستىڭ بىردە - بىرىندە جەڭىلمەگەن، 19 رەتكى جارىستىڭ بارلىعىندا قارسىلاسىن ۇرىپ جىعىپ، نوكاۋتقا جىبەرگەن گەننادي گولوۆكين الەمدىك كاسىپتىك بوكستاعى شوقتىعى ەڭ بيىك تۇلعالاردىڭ بىرىنە اينالىپ ۇلگىردى. گولوۆكين 1982 - جىلى 8 - ساۋىردە قازاقستاننىڭ قاراعاندى وڭىرىندە دۇنيەگە كەلگەن. اكەسى ورىس، شەشەسى كورەيالىق گولوۆكين ءوزىن قازاقپىن دەيدى. 2003 - جىلعى حالىقارالىق بوكس جارىسىنىڭ باس جۇلدەگەرى، 2004 - جىلعى وليمپيادا بوكس جارىسىنىڭ كۇمىس مەدالىنىڭ يەگەرى اتاعىن العاننان كەيىن، كاسىپقوي بوكسقا باس بۇرعان گولوۆكين قازىرگە دەيىن حالىقارالىق بوكس بىرلەستىگى (IBF)، حالىقارالىق بوكس قوعامى(WBA) التىن بەلبەۋىن قورعاپ كەلدى. 22 - اقپاندا موناكونىڭ استاناسى مونتەكارلودا وتكىزىلگەن جارىستا گولوۆكين ۇلى بريتانيانىڭ ايگىلى بوكسشىسى مورريدى 11 - مايداندا ۇرىپ جىعىپ، حالىقارالىق بوكس جەتەكشىلەر كەڭەسى التىن بەلبەۋىنىڭ دە (WBC) يەسىنە اينالىپ ۇلگىردى. «شينجياڭ گازەتى»