بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

قۇلجا اۋدانىندا «كوكقامىردا ناۋرىز» اتتى ساۋىق كەش وتتى

فوتو سۋرەتتەرىن ءتۇسىرىپ، ماقالاسىن جازعان باعداۋلەت باتىربەك ۇلى، تولقىن جايىربەك ۇلى

2015.03.16 14:14   كەلۋ قاينارى : حالىق تورابى



  قۇلجا اۋداندىق پارتكومنىڭ ۇگىت ءبولىمى، مادەنيەت، دەنە تاربيە، راديو - كينو - تەلەۆيزيا مەكەمەسى جەتەكشىلىك ەتكەن، قاراعاش اۋىلى ۇستىنە الىپ وتكىزگەن قوي جىلىنداعى ناۋرىز مەرەكەسىن تويلاۋعا ارنالعان 2015 – جىلعى «كوكقامىردا ناۋرىز» اتىنداعى ساۋىق كەش 12 - ناۋرىز تۇستەن كەيىن اۋداندىق مادەنيەت سارايىندا كورەرمەندەرگە سالتاناتپەن قويىلدى.

  جاراسىمدى قوعام قۇرۋدى، ۇلتتار ىنتىماعىن جىرلاۋ، حالىق بۇقاراسىمەن ەتەنە بولۋدى، قوعام ورنىقتىلىعىن قورعاۋدى باستى تاقىرىپ ەتكەن، باي مازمۇندى كونسەرتتى ءبىر بولىم وبلىس جانە اۋدان باسشىلارى، حالىق بۇقاراسى بولىپ، 3 مىڭعا جۋىق كورەرمەن تاماشالادى. بۇل جولعى كونسەرتكە وبلىستىق ءان - ءبي ۇيىرمەسىنىڭ ونەرپازدارى، اۋداندىق 3 – ورتا مەكتەپتەگى جەتكىنشەك ونەرپازدار مەن ىلە پەداكوگيكا ينيستيتۋتىنىڭ مۋزيكا وقىتۋشىسى، بەلگىلى ءانشى ەرعالي زاقان ۇلى ،ەم «كۇمىس كومەيدە» تارتىمدى ونەر كورسەتكەن مىرزاتاي بەكسۇلتان ۇلى حالىق اندەرىن اۋەلەتىپ شىرقاسا، ءزىلاش مۇتالىپ قىزى تۋعان ولكەسىنىڭ ىستىق قۇشاعىندا تەربەتىلە تۇرىپ، ءاپپاق اپامىزدىڭ «كوك وزەن» ءانىن شىرقاعاندا، كورەرمەنىڭ شاپالاق ءۇنى تولاستامادى. سىماعۇل بودەنباي ۇلى، مەيرام اكىمقان ۇلى قاتارلى تانىمالى مۋزيكانتتار ۇلتتىق اسپاپتار وركەستىرىمەن اسپەتتەپ «تورجورعا» كۇيىنە، ءداستۇرلى اندەرگە كەزەك بەرگەندە ۇيىپ تىڭداعان كورەرمەن ايرىقشا اسەرگە بولەندى.

  مىنە وسىنداي كورەرمەن كوڭىلىنەن شىققان نومىرلەرىمەن جالعاسىن تاپقان ساۋىق كەشتە قۇلجا اۋدانىنىڭ ەكونوميكا - مادەنيەت ىستەرىنىڭ قارىشتاپ دامىعان، حالىق تۇرمىسىنىڭ كۇن سايىن جاقسارعان جاڭاشا بەت - بەينەسىن ءار قىرىنان بەينەلەپ، ۇلتتىق ءداستۇرىمىزدى ۇلاعاتتاپ، ءار ۇلت حالقىن بەرەكەگە شاقىرىپ، بارشا جۇرتتى باياندى دامۋعا ۇندەدى. كونسەر سوڭىندا اۋداندىق پارتكومنىڭ تۇراقتى جوراسى كەنجەبەك باكەن ۇلى، اۆتونوميالى رايوننان مىندەت بەرىپ تاربيەلەۋگە تۇسىرگەن اۋداننىڭ ورىنباسار اكىمى جەڭىس قاتارلى باسشىلار وسى اۋداننىڭ مازار اۋىلىنىڭ باسشىلارىنا كەلەسى جىلعى ناۋرىزدىڭ تۋىن تابىس ەتتى. سۋرەتتە: «كوكقامىردا ناۋرىز» اتتى كونسەرتتەن تۇسىرىلگەن تارتىمدى فوتو سۋرەتتەر.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 
جاۋاپتى رەداكتورى : نۇرعيسا قۇرمانجان ۇلى

 سۋرەت