بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

گۇل كۇنەستە ناۋرىز

فوتو سۋرەتىن ءتۇسىرىپ ماقالاسىن جازعان: ەرنۇر ماناپقان ۇلى    

2015.03.19 14:31   كەلۋ قاينارى : حالىق تورابى



  جەر انا بۋسانىپ، جىل باسى ناۋرىز كەلىپ جەتتى، قىتىمىر قىستىڭ ىزعارى قايتقاننان بولار، بارتىرشىلىك جىلۋلىق مەيىرگە بولەنىپ، قىستان امان - ەسەن شىققان ەل كوپپەن بىرگە تىلەۋ تىلەپ، قىدىرىپ كوجە ءىشىپ، ءبىر - بىرىنە تىلەك ايتىپ، باستارىنا اماندىق تىلەيتىن ناۋرىزمەرەكەسى كەلدى.

  ءدال وسى ناۋرىز ايىنىڭ 17- جۇلدىزى، تاڭجارىقتاي ايگىلى اقىنى، اشىمدەي كۇيشى ۇلدارى بار، قويناۋىنا قۇت ۇيىعان كيەلى مەكەن گۇل كۇنەستە ءار ۇلت حالقى ءبىر نيەت - ءبىر تىلەكتە بولا وتىرىپ، كۇنەس اۋداندىق پارتكوم مەن حالىق ۇكىمەتىنىڭ دەمەۋىندە اۋداندىق قوعام حاۋىپسىزدىك مەكەمەسى بيىلعى ناۋرىز مەرەكەسىن ءوز ۇستىنە الىپ، جاۋاپتى بولىپ وتكىزدى، ۇلتىمىزدىڭ بوگەنايى بولەك بۇل مەرەكەسى وزگەشە سانىمەن تويلانىپ، بارشا قاۋىمنىڭ قىزۋ القاۋىنا يە بولدى. كونسەرت قايرات بوكەيقان ۇلىنىڭ جاساعان «كۇنەس كوكتەمى» اتتى بىيىمەن شىمىلدىعىن اشىپ، قازاق ۇلتىنىڭ ءداستۇرلى مادەنيەتىن ءبىر قىرىنان بەينەلەپ بەرسە، وتكەن جىلى ولكەمىز كولەمىندە وتكىزىلگەن «كۇمىس كومەي» ءان بايقاۋىنىڭ باس جۇلدەسىن قانجىعاسىنا بايلاپ قايتقان كۇنەستىڭ ءتول تۋماسى شالقار الىمبەك ۇلى، سازگەر ەرمۇرات زەيىپقان ۇلىنىڭ «جانار قىز»ء انىن تامىلجىتا ورىنداپ، تىڭدارمانىن ءتانتى ەتتى، باسقا دا كۇنەستەن تۇلەپ ۇشقان كوپتەگەن جاس ونەرپازدار ءوز ونەرلەرىن حالقىنىڭ الدىندا تۋعان جەرىنە ساۋعا ەتىپ، ناۋرىز كونسەرتىنىڭ مەرەيىن اسىرىپ، شاتتىققا بولەپ، كونسەرتتى ءوز مارەسىنە جەتكىزدى.

  بۇل رەتكى كونسەرت مازمۇنى ورتالىقتىڭ ءۇنى: جاراسىمدى قوعام قۇرۋ، ۇلىتتار ىنتىماعىن جىرلاۋ، ءار ۇلت حالىق بۇقاراسىمەن ەتەنە بولۋ جانە ءوزىمىزدىڭ جاساپ وتىرعان ورتامىزدى قورعاپ، مادەنيەتتى ادامداردان بولىپ شىعۋ باستى تاقىرىپ ەتىلگەن باي مازمۇندى كونسەرت بولدى.

  مىنە، وسىنداي كورەرمەن كوڭىلىنەن شىققان باي مازمۇندى نومىرلەرمەن جالعاسىن تاپقان مەرەكە كونسەرتى كۇنەس اۋدانىنداعى ءار ۇلت حالقىنىڭ بەرەكە - ىنتىماعىنىڭ، حالىق تۇرمىسىنىڭ كۇن سايىن جاقسارعان باي- باقىتتى باياشات تۇرمىسىن ءار قىرىنان جىرلاپ، ۇلىتتىق ءداستۇرىمىزدى ۇلاعاتتاپ، ءار ۇلت حالقىن بەرەكە - بىرلىككە شاقىرىپ ءبىر جاعادان باس، ءبىر جەڭنەن قول شىعارا وتىرىپ ورتاق دامۋعا شاقىردى.

  مەرەكەلىك كونسەرت سوڭىندا جەتى ءتۇرلى ءدام قوسىلعان قازاقتىڭ قاسيەتتى ناۋرىز كوجەسى ءىشىلىپ، دارقان ءداستۇر، كوڭىلدى كۇلكى، اسەم انمەن جالعاسىپ جاتتى.

  كەلۋ قاينارى: حالىق تورابى

  

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 
جاۋاپتى رەداكتورى : مۇحيت امانتاي ۇلى

 سۋرەت