ەسىل جۇرت ەركە اقىنىن ەسكە الدى

2015.03.19 15:22   كەلۋ قاينارى : حالىق تورابى

　　گۇلميرا داۋلەتبەك قىزى حابارلايدى. شينجياڭ اۋىز ادەبيەت قوعامىنىڭ مۇشەسى، جەكپە – جەكتىڭ جەل تابانى اتانعان مۇرال تەمىرقان ۇلىنىڭ شىعارماشىلىق تالقى جيىنى جانە كىتاپ تاراتۋ سالتى 17- ناۋرىز كوكتوعاي اۋدانىندا وتكىزىلدى.

　　تالقى جيىنىنا شينجياڭ ادەبيەت – كوركەمونەرشىلەر بىرلەستىگىنىڭ ورىنباسار ءتوراعاسى ەركەش قۇرمانبەك قىزى، «مۇرا» جۋرنالى مەكەمەسىنىڭ باستىعى، باس رەداكتور دالەلبەك قينايات ۇلى قاتارلى ورىنداردىڭ جاۋاپتىلارى، اقىننىڭ جاناشىر – جاقىندارى، ونەردەگى ارىپتەستەرى قاتىناستى.

　　تالقى بارىسىندا قاتىستى باسشىلار، اقىننىڭ ەڭبەگىن ارداقتاپ، كىتابىن قۇراستىرۋعا ەڭبەك ەتكەن جازۋشى باياقىمەت جۇماباي ۇلى قاتارلى اقىن – جازۋشىلار اقىننىڭ ونەرى مەن ءومىرى جايىندا ارناۋلى عىلىمي ماقالالارىن وقىپ، اقىندى ساعىنا ەسكە الدى. كوكتوعاي اۋداندىق پارتكومنىڭ ورىنباسار شۋجيى، اۋدان اكىمى ەرجان كازىم ۇلى اقىننىڭ، كوكتوعاي اۋدانىنىڭ مادەنيەتىنە قوسقان ۇلەستەرى جايىندا ءسوز قوزعادى، تالقى جيىنىن كوكتوعاي اۋدانىنىڭ ورىنباسار اكىمى دوكەن قۇماش ۇلى باسقاردى.

　　تالقى سوڭى شاعىن كونسەرتكە ۇلاسىپ، اقىننىڭ سوزىنە جازىلعان ءان، تەرمە ورىندالدى، اقىننىڭ ارتىنان ەرگەن شاكىرتتەرى ءجاميعا داۋلەت قىزى مەن ۇلاربەك ءميناتقان ۇلى ايتىس ساحناسىنا كوتەرىلىپ، ونەردەگى، ومىردەگى جاقسى ۇستازىنا دەگەن ۇلكەن قۇرمەتىن ءبىلدىردى.

　　اقىن ەسكەرتكىشى سياقتى التىن البوم «اقىننىڭ اقتاڭگەرى» جىر جيناعى مۇرالدىڭ ەلىنە دەگەن ەسەلى ەڭبەگىنىڭ جاقۇتتاي جارقىراعان جاۋھارى جينالعان جۇرت اقىننىڭ كىتابىن پاراقتاي وتىرىپ، ەسىل ەرىنە دەگەن ساعىنىش جاسىن بىردەن تيا المادى. تەك ارتىندا ۇرپاعى، ونەرىن جالعاستىراتىن ءبىر توپ جاس اقىندار شوعىرىنىڭ ءوسىپ كەلە جاتقانىنا قۋاندى بىلايعى جۇرت.

　　كەلۋ قاينارى: حالىق تورابى