مىسىق ايۋدان دا باعالى ىلە شاقىلداعى 20 جىلدان سوڭ تاعى بايقالدى

2015.03.26 15:01   كەلۋ قاينارى : حالىق تورابى

　　ىلە شاقىلداعى الەمدەگى باعالى جانۋارلاردىڭ ءبىرى، جۋىردا بۇل سۇيكىمدى جانۋار ىلەدە تاعى دا بايقالدى.

　　انگليا «كۇندەلىك پوچتا گازەتىنىڭ» 24 – ناۋرىزدا حابارلاۋىنشا، قۋىرشاق فيلىمدەگى تەدي قونجىققا ۇقسايتىن ىلە شاقىلداعى ەسىمدى سۇيكىمدى جانۋار 20 جىل وتكەن سوڭ تاعى بايقالعان. ۇعىسۋعا قاراعاندا، بۇل جانۋار جۇڭگونىڭ مەملەكەت اسىلى ەسەپتەلەتىن مىسىق ايۋدان دا باعالى.

　　ىلە شاقىلداعى دەنەسىنىڭ ۇزىندىعى 20 سانتيمەتردەي، تاۋلى وڭىردە جاسايتىن، قالقان قۇلاعى بار ءسۇت حورەكتى جانۋار. الەمدەگى تۇقىمى قۇرۋعا اينالعان جانۋارعا جاتادى، قازىر تابيعات قۇشاعىندا بۇل جانۋاردىڭ سانى 1000عا جەتپەيدى.

　　جۇڭگولىق لي ۋەيدۇڭ ەسىمدى عالىم 1983 – جىلى ءتاڭىرتاۋ سىلەمىنەن بۇل جانۋاردى بايقاعان ءارى ونىڭ جاڭا تۇردەگى حايۋانات ەكەنىن تۇراقتاندىرعان. وتكەن عاسىردىڭ 90 – جىلدارىندا عالىمدار بۇل جانۋارعا ساناق جۇرگىزگەندە، 2000 اينالاسىندا بولۋى مۇمكىن دەپ قورتىندى شىعارعان. كەيىن ىلە شاقىلداعى جۇرت كوزىنە شالىنبايتىن بولىپ كەتكەن. عالىمداردىڭ ايتۋىنشا، ىلە شاقىلداعى بايقالعاننان بەرى ونىڭ سانى %70 ازايعان.

　　ىلە شاقىلداعى تەك شينجياڭداعى ءتاڭىرتاۋ سىلەمىندە تىرشىلىك ەتەدى، قازىر ولاردىڭ تىرشىلىك ورتاسى قاتەرگە ۇشىراپ، سانى دا كۇرت ازايۋدا.

　　كەلۋ قاينارى: حالىق تورابى