بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

مەكسيكا ساقشىلارى ءبىر تۇرعىن ءۇيدىڭ ىشىنەن اق ش – قا توتە قاتىنايتىن ەسرتكى ساۋدالايتىن جەر استى جولىن بايقاعان

2015.04.10 17:29   كەلۋ قاينارى : حالىق تورابى



  حالىق تورابى، 10 – ءساۋىر، بەيجيڭ. ارگەنتينانىڭ ينفوباە تورابىنىڭ 8 – ساۋىردە حابارلاۋىنشا، 8 – ءساۋىر كۇنى، مەكيسكا ارمياسى مالىمدەمە جاريالاپ: مەكسيكا اسكەرلەرى ا ق ش – تىڭ شەكاراسىنا جاقىن تيجۋانا قالاسى اۋە ارمياسى بازاسىنىڭ ماڭىنان ا ق ش – قا ەسرتكى زات تاسيتىن جەر استى جولىن بايقاعان، ءارى قۋعىنداۋ بارىسىندا دەلوعا قاتىستى 9 قىلمىس كۇماندىسىن ۇستاعان. مەكسيكا ارمياسى جاريالاعان مالىمدەمەدە بىلاي دەلىنگەن: «اسكەرلەر بۇل ەسرتكى ساۋدالايتىنداردىڭ ۇياسىن قۇرتۋ بارىسىندا، جەر استى جولىن قازىپ جاتقان 9 قىلمىس كۇماندىسىن ۇستاعان. بۇدان سىرت، ءۇيدىڭ سىرتىندا ءبىر جۇك اۆتوموبيلى توقتاتىلعان بولىپ، جەر استى جولىن قازۋدان شىققان توپىراقتاردى جوتكەۋگە دايىندالعانى بەلگىلى بولعان.»

  جاريالاعان سۋرەتتەرگە قاراعاندا، ەسرتكى ساۋدالاۋشىلاردىڭ جاسىرىنعان ۇيىندەگى كيىم سالعان ىشكاپتىڭ ەسىگىنىڭ ارتىندا تومەن قاراي تۇسەتىن باسپالداقپەن تۇسكەندە، ىشىنە شىراق ورناتىلعان ۇزىن دا، تار جەر استى جولى بار بولىپ، جولدىڭ ىشكى قابىرعاسىنىڭ كەيبىر جەرلەرى اعاشتان جاسالعان.

  جاريالانعان قۇلاقتاندىرۋعا قاراعاندا، كەيبىر ۆيزا الا الماعان زاڭسىز كەلىمسەكتەر دە وسى تەكتەس تۋنەل ارقىلى ا ق ش – قا قاشىپ وتكەن. جاقىنعى 10 جىلدان بەرى ا ق ش پەن مەكسيكانىڭ شەكاراسىنان وسىنداي جەر استى جولىنان 10 نەشەۋى بايقالعان. ۇعىسۋعا قاراعاندا، تەكسەرىلىپ شىققان بۇل جەر سينالوا كارتەل ەسرتكى ساۋدالاۋ توبىنا ءتان بولىپ، بۇل توپتىڭ اتامانى گۋسسمان 10 جىل قاشقاننان كەيىن، بىلتىرعى جىلدىڭ اقپان ايىندا ۇستالعان.

  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : مۇحيت امانتاي ۇلى

 سۋرەت