جاپونيا مەديالارىنىڭ حابارلاۋىنشا، جەرگىلىكتى ۋاقىت 14 – ءساۋىر كەشى ساعات 8 اينالاسىندا، وڭتۇستىك كورەيانىڭ سەۋل قالاسىنان جولعا شىققان ازيانا اۆياتسيا سەرىكتىگىنىڭ 162 – كەزەكتى A320 جولاۋشىلار ۇشاعى جاپونيانىڭ حيروسيما اۋدانى ميحارا قالاسىنداعى حيروسيما اۋەجايىنا قونۋ بارىسىندا سىرعىما جولدان شىعىپ كەتىپ، جول شەتىنە توقتاعان. ۇشاقتاعى جولاۋشىلار مەن ۇشاق قىزمەتكەرلەرى تۇگەل قاشىپ شىققان.
ميحارا قالالىق ءورت ءوشىرۋ باس شتابى بەرگەن مالىمەتكە قاراعاندا، ۇشاقتاعى 23 جولاۋشى جەڭىل جارالانعان. حيروسيما ساقشى جاعى ۇشاقتا 74 جولاۋشىنىڭ بار ەكەنىن ايتقان.
كەلۋ قاينارى: حالىق تورابى