يتاليا تەڭىز جاعالاۋى ساقشىلارى سيتسيليا ارالىنىڭ تەڭىز جاعالاۋىندا شىرعالاڭعا ۇشىراعانداردى قۇتقارۋدا.
رەيتەر اگەنتتىگىنىڭ 14 – ساۋىردە حابارلاۋىنشا، ليۆيادان جەر ورتا تەڭىزىن ەندەي ءوتىپ يتالياعا بەتالعان كەمە جول ورتادا اۋدارىلعان، كەمەگە شەكارادان ۇرلانىپ وتپەك بولعان 550 ادام وتىرعان، شىرعالاڭدا 400 ادام قازا تاپقان.
ۇعىسۋعا قاراعاندا، بۇل كەمە ليۆيانىڭ تەڭىز جاعالاۋىنان اتتانعانىنا 24 ساعات وتكەننەن كەيىن اۋدارىلعان، قۇتقارىلعان 150 ادام يتاليانىڭ وڭتۇستىگىندەگى كەمەجايعا جەتكىزىلگەن، ولاردىڭ كوبى ساحارا ءشولىنىڭ وڭتۇستىگىندەگى افريكا وڭىرىنەن كەلگەندەر.
حالىقارالىق ميگراتسيا ۇيىمى جاريالاعان ساناق مالىمەتتەرىنە قاراعاندا، بيىل جىل باسىنان بەرى افريكادان جەر ورتا تەڭىزىن ەندەي ءوتىپ يتالياعا جەتپەك بولعان 500دەن استام ادام جول ورتادا قازا تاپقان، بۇل سان بىلتىرعى ۇقساس مەزگىلدەگىدەن %47 ارتىق بولعان.
كەلۋ قاينارى: حالىق تورابى