سوعىستا سۋعا باتقان كەمەدەن 100 توننا كۇمىس تەڭگە ءسۇزىپ الىندى

قۇنى 50 ميلليون ا ق ش دوللارى 

2015.04.17 14:31   كەلۋ قاينارى : حالىق تورابى

　　انگليا دۇنيە جۇزىلىك 2 – سوعىستا سۋعا باتقان كەمەدەن 100 توننا كۇمىس تەڭگە ءسۇزىپ الدى، قۇنى 50 ميلليون ا ق ش دوللارىنا تاتيدى

　　حالىقارالىق لەنيا حابارى: انگليا BBC تورابىنىڭ 15 – ساۋىردە حابارلاۋىنشا، انگليالىق تەڭىزدەن اسىل ءسۇزۋدىڭ مامانى جون كيڭسفوردتىڭ باسشىلىعىنداعى «تەڭىز ءتۇبىن بارلاۋ» سەرىكتىگى (DOS) وڭتۇستىك اتلانت مۇحيتىندا تەڭىزگە باتقان كەمەدەن قۇنى 50 ميلليون ا ق ش دوللارى كەلەتىن كۇمىس تەڭگەلەردى ءسۇزىپ العان ءارى ءسۇزىپ العان تەڭگەلەردى تۇگەلدەي انگليانىڭ قازىنا مينيسترلىگىنە وتكىزىپ بەرىپ، توقتام بويىنشا پايدا العان.

　　انگليانىڭ تەڭىزگە باتقان جولاۋشىلار كەمەسىنىڭ اتى «كاير قالاسى»، 1942 – جىلى 6 – قاراشادا گەرمانيانىڭ سۇڭگۋىر كەمەسى سۋ ميناسىمەن اتىپ كەمەنى سۋعا باتىرعان، سول كەزدە كەمەدە 311 ادام مەن 100 توننا كۇمىس تەڭگە جانە باسقا زاتتار بار. انگليا قازىنا مينيسترلىگى سول كەزدە سوعىستىڭ قاجەتى ءۇشىن بۇل كۇمىس تەڭگەلەردى ءۇندىستاننىڭ بومبەي قالاسىنان ساتىپ الىپ، انگلياعا اپارا جاتقان.

　　DOS سەرىكتىگى انگليا ۇكىمەتىمەن جاساعان توقتامعا ساي، ءسۇزىپ الۋ مىندەتىن 2013 – جىلى قىركۇيەكتە اياقتاتتى، الايدا بۇل حاباردى جاريالاۋعا جۋىردا عانا رۋحسات بەرىلدى. بۇل كۇمىس تەڭگەلەر انگليادا بالقىتىلىپ ساتىلىمعا شىعارىلدى، DOS سەرىكتىگى بەلگىلەنگەن سالىستىرما بويىنشا ۇلەس الدى، ءبىراق، قانشالىق مولشەردە ۇلەس العانى جاريالانبادى.

　　كەلۋ قاينارى: حالىق تورابى