بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

قازاقتىڭ قارا بالاسى ەرسىن شوقىن ۇلى ميللياردتاردان وزىپ، كىشى جۇلدەگەرلىكتى ەنشىلەدى

2015 – جىلعى «دىتيان ساۋىتى» اتىنداعى جۇڭگو جانە شىعىس وڭتۇستىك ازيا وداعى مەملەكەتتەرىنىڭ ۆەلوسيپەت دالالىق اشىق جارىسى وتكىزىلدى

2015.04.20 10:13   كەلۋ قاينارى : حالىق تورابى



  حالىق تورابى، 20 – ءساۋىر، بەيجيڭ. جۇڭگو ۆەلوسيپەد دەنە – تاربيە بىرلەستىگى مەن گۋاڭشي قوعامدىق دەنە – تاربيە قيمىلىن دامىتۋ ورتالىعى باس بولىپ وتكىزگەن، 2015 – جىلعى «دىتيان ساۋىتى» اتىنداعى جۇڭگو جانە شىعىس وڭتۇستىك ازيا وداعىنداعى مەملەكەتتەر ۆەلوسيپەت دالالىق اشىق جارىسى 18 – ساۋىردەن 20 – ءساۋىر ارالىعىندا وتكىزىلدى. بۇل جولعى جارىسقا جۇڭگو جانە شىعىس وڭتۇستىك ازيا مەملەكەتتەرىنەن 200گە تارتا ساڭلاق كەلىپ قاتىناستى.

  ۇيىمداستىرۋشى جاقتىڭ ايتۋىنشا، جارىس جولىنىڭ جالپى ۇزىندىعى 80 نەشە كيلومەتر بولىپ، مۇنىڭ ىشىندە، ۆەلوسيپەتپەن ساياحات فورماسىندا ءجۇرۋ جولىنىڭ ۇزىندىعى 26 كيلومەتر، ناعىز باسەكەلى جارىس جولى 60 كيلومەتر بولعان. جارىس جولىنداعى كورىنىستەر ادەمى، شەكارالىق ءتۇسى قويۋ بولىپ، ساڭلاقتار مەن كورەرمەندەر باسەكەگە تولى ۆەلوسيپەد جارىسىن تاماشالاۋدان سىرت، جۇڭگو – ۆيەتنام شەكاراسىنداعى وسىناۋ ادەمى القاپتىڭ كورىنىسىنەن ءلازات العان.

  بۇل جولعى جارىسقا جۇڭگو جانە شىعىس وڭتۇستىك ازيا مەملەكەتتەرىنەن 200گە تارتا ساڭلاق كەلىپ قاتىناستى. حۇڭنيۋ 2 – كومانداسىنىڭ مۇشەسى، قازاقتىڭ قارا بالاسى ەرسىن شوقىن ۇلى دا بۇل جولعى جارىسقا ءوزىنىڭ ساپتاستارىمەن بىرگە قاتىناستى. «جارىس جولىنداعى كورىنىستەر كوز سۇرىندەر بولعانىمەن، نەگىزىنەن تاۋلى رايوندى اينالىپ جۇرەتىندىكتەن بىردە ەڭىس، بىردە تىك بولىپ، جارىستىڭ قيىندىق دارەجەسى باسقاشا بولدى. دەسەدە جارىس الدىنداعى جاپالى ماشىق، تولىق دايىندىقتىڭ ارقاسىندا كىشى جۇلدەگەرلىكتى قانجىعاما باستىم، بۇل مەنىڭ بۇدان بىلاي مۇنان دا ۇلكەن جارىستاردا ءتىپتى دە جاقسى ناتيجەگە جەتۋىمدەگى ماڭىزدى باسقىش دەپ ويلايمىن»،-دەيدى ەرسىن.

  ارينە، ءبىز ءۇشىن ايتا سالۋعا وڭاي بولعانىمەن، بۇل تۇردەگى جارىستىڭ بەينەتى مەن زەينەتى باسقاشا، بۇل تۇردەگى جارىسقا ابدەن ىسىلعان شەتەلدىك ساڭلاقتار مەن ميللياردتاردان وزىپ، شوقتىعىن باسقاشا كورسەتكەن ەرسىننىڭ جارىستىڭ الدىندا قانشاما تەر توككەنى ايتپاسا دا بەلگىلى، تەك ءارقاشان جالىقپاي، قاجىماستان ماڭداي تەرىن توككەن ادام عانا تابىسقا جەتەتىنى بارىمىزگە ايان. تەك ەرسىننىڭ الداعى جولى اشىق بولىپ، مۇنان دا زور تىڭ تابىستارعا جەتە بەرسىن دەپ تىلەيىك اعايىن.

  كەلۋ قاينارى: حالىق تورابى

【1】 【2】 【3】 【4】 【5】 【6】 
جاۋاپتى رەداكتورى : مۇحيت امانتاي ۇلى

 سۋرەت