شينجياڭدىق بالا فۋتبولشىلار رەسەيدە حالىقارالىق جارىسقا قاتىناسادى

2015.05.26 14:44   كەلۋ قاينارى : حالىق تورابى

　　سۋرەتتە: رەسەيدىڭ سوچي قالاسىندا وتكىزىلەتىن 10 – كەزەكتى حالىقارالىق جاستار – ورەندەر فۋتبول تۋرنيرىنە اتتاندىرۋ سالتىنان ۇزىك.

　　حالىق تورابى، 26 – مامىر، بەيجيڭ. شينجياڭ جاستار – ورەندەر فۋتبولى ءۇشىن 25 – مامىر قۇتتىقتاۋعا تاتيتىن كۇن، بۇل تۋرالى ءتاڭىرتاۋ تورابى حابارلايدى.

　　رەسەيدە وتكىزىلەتىن 10 – كەزەكتى سوچي حالىقارالىق جاستار – ورەندەر فۋتبول تۋرنيرىنە اتتاندىرۋ سالتى سول كۇنى ۇرىمجىدە وتكىزىلدى، الدا قىزىلسۋ، قاشقار، ءۇرىمجى، قارامايلى، تارباعاتاي، شىحىزى قاتارلى جەرلەردەن سارالانعان 16 فۋتبولشى 12 ~ 13 جاس جانە 14 ~ 15 جاس ارالىعى بويىنشا ەكى كوماندا بولىپ قۇرىلىپ، رەسەيدىڭ سوچي قالاسىندا 27 – مامىردان 31 – مامىرعا دەيىن وتكىزىلەتىن حالىقارالىق جاستار – ورەندەر مەكتەپ اياسىنداعى فۋتبول تۋرنيرىنە قاتىناسۋعا اتتانادى.

　　جارىسقا قاتىناساتىن فۋتبولشى بالالار شينجياڭعا، جۇڭگوعا ۋاكىل رەتىندە رەسەيگە بارىپ جارىسقا قاتىناساتىن بولعاندارىنا ءبىر جاعىنان قۋانسا، ءبىر جاعىنان ابىرجىپ تۇرعاندارىن جاسىرمادى، جارىستا جاقسى ونەر كورسەتىپ، وتان ءۇشىن داڭق الىپ بەرەتىندىكتەرىن ايتتى.

　　قارامايلى قالالىق 6 – باستاۋىش مەكتەپتىڭ فۋتبول تاربيەشىسى راشات راحمان: بۇل جولى ءبىز بۇكىل شينجياڭداعى ەڭ ۇزدىك فۋتبولشى بالالاردى ۇيىمداستىرىپ، شينجياڭعا عانا ەمەس، جۇڭگوعا ۋاكىل رەتىندە جارىسقا قاتىناسپاقشىمىز. ءبىز قينشىلىقتاردى جەڭىپ، ءار رەتكى جارىسقا بار ونەرىمىزدى سالاتىن بولامىز، - دەدى.

　　كەلۋ قاينارى: حالىق تورابى