شي جينپيڭ جوۋشاندا قىزمەت تەكسەردى

2015.05.26 16:10   كەلۋ قاينارى : حالىق تورابى

　　شينحۋا تورابى، 25 - مامىر، جوۋشان. شينحۋا اگەنتتىگى «شينحۋا نازارى» ميكروبلوگىنىڭ حابارىنا قاراعاندا، 25 - مامىر تۇستە باس شۋجي شي جينپيڭ جىجياڭ جوۋشاندا قىزمەت تەكسەرگەن. ۇشاقتان تۇسە سالىسىمەن قالا كورمە سارايىنا بارىپ، جوۋشان توپ ارالىنداعى جاڭا رايوننىڭ ەكونوميكالىق، قوعامدىق دامۋ جاعدايىن بەينەلەگەن سۋرەت، قۇم نۇسقا، قىسقا كەسكىندەردى تاماشالاپ، قاتىستى جاۋاپتىلاردان ەگجەي - تەگجەيلى جاعداي ۇعىسقان. «قيىر تەڭىزدە بالىق اۋلاۋشىلار كوپ پە؟ بالىق اۋلاۋعا قانشا اي تيىم سالىنادى؟ جوۋشاننان نيڭبوعا تەڭىز كوپىرىمەن قانشا ۋاقىتتا جەتۋگە بولادى؟ بالىقشىلاردىڭ تۇرمىس دەڭگەيى تومەن ەمەس شىعار؟ شەتەل قارجىسىنىڭ قوسىلۋ مولشەرى كوپ پە؟» دەپ سۇراعان. بۇل شي جينپيڭنىڭ جوۋشانعا 14 - رەت كەلۋى ەكەن. ول 2002 - جىلدان 2007 - جىلعا دەيىن جىجياڭدا قىزمەت ىستەگەن مەزگىلدە ارالدارعا، بالىقشىلار قىستاعىنا بارىپ، بالىقشىلاردان جاعداي ۇعىسىپ، ىشكەرىلەي تەكسەرىپ - زەرتتەۋ جۇرگىزىپ، جوۋشاننىڭ دامۋ ستراتەگياسىن عىلمي جوبالاۋعا جەتەكشىلىك ەتكەن. ەكسكۋرتسيا بارىسىندا شي جينپيڭ: وسى بىرنەشە جىلدا جوۋشاننىڭ وزگەرىسى وتە زور بولىپتى، قازىرگى بەينەسى بۇرىنعىعا مۇلدە ۇقسامايدى، - دەدى.

　　كەلۋ قاينارى: حالىق تورابى