سۋرەتتە: نانشا ماياگىنىڭ قۇرىلىسىن باستاۋ سالتى. سۋرەتتى لۋ رۇي تۇسىرگەن (شينحۋا اگەنتتىگى)
«حالىق گازەتى» ، 26 - مامىر، بەيجيڭ (ءتىلشى ليۋ جىچياڭ). 26 - مامىردا قاتىناس-تاسىمال مينيسترلىگى ەلىمىزدىڭ نانشا توپ ارالىنداعى حۋاياڭ مارجان ارالىندا نانشا ماياگىنىڭ قۇرىلىسىن باستاۋ سالتىن وتكىزدى. تانىستىرۋعا نەگىزدەلگەندە، نانشانىڭ تەڭىز الابىنىڭ حالىقتىق اۋە قاتىناسىنا جول سىلتەۋ، كومەك بەرۋ قۋاتىن جوعارىلاتۋ ءۇشىن، قاتىناس - تاسىمال مينيسترلىگى حۋاياڭ مارجان ارالىندا، شىگۋا مارجان ارالىندا امبەباپ ەكى ماياك سالادى ەكەن. ماياك سالىنىپ بولعان سوڭ وسى تەڭىز الابىنان وتەتىن ءار ەلدىڭ كەمەلەرىنە جول سىلتەپ، كومەك بەرىپ، نانحاي تەڭىز الابىنىڭ كەمە قاتىناسى حاۋىپسىزدىگىن ايتارلىقتاي جوعارىلاتادى ەكەن.
ۇعىسۋعا قاراعاندا، وسى رەت سالىناتىن ەكى ماياكقا دوڭگەلەك جازىق بەت جوباسى قولدانىلعان، جۇڭگونىڭ قۇرىلىس بوگەنايى ەنگىزىلگەن. ماياكتىڭ بيىكتىگى 50 مەتر، 4.5 مەترلىك تۇمشالامالى شام ورناتىلادى، جارىعىنىڭ ءتۇسۋ ارالىعى 22 تەڭىز ميلى.
كەلۋ قاينارى: حالىق تورابى