الەمدەگى ەڭ ۇلكەن كۇن ەنەرگيالى ۇشاق «كۇن نۇرى 2 – ءنومىر» 2015 – جىلى مامىردىڭ 31 – كۇنى تاڭ ءسارى دە، جياڭسۋ ولكەسىنىڭ نانجيڭ قالاسىنان كەڭىستىككە كوتەرىلىپ، ا ق ش ەلىن بەتكە الىپ ۇشىپ كەتتى. شۆەتساريادا جاسالعان «كۇن نۇرى 2 – ءنومىر» ءساۋىردىڭ 21 – كۇنى كەشتە نانجيڭدەگى لۋكوۋ حالىقارالىق اۋە جايىنا قونىپ، اۋا رايى سالدارىنان وسىندا تۇراقتاپ قالعان بولاتىن. «كۇن نۇرى 2 – ءنومىر» ناۋرىزدىڭ 9 – كۇنى شىعاناق رايونىنان جەر شارىن اينالىپ ۇشۋ ساپارىن باستاعاننان كەيىن، كۇن ەنەرگياسىنا سۇيەنىپ 75 ساعاتتا، 6 مىڭ كيلومەتردەن استام ارالىققا ۇشتى. نانجيڭنەن اتتانعان «كۇن نۇرى 2 – ءنومىر» ا ق ش ەلىن كەسىپ ءوتىپ، اتلاند مۇحيتىنان ەندەي ۇشادى، افريكا قۇرلىعىندا دامىلداپ، ەڭ سوڭىندا، العاش ۇشقان ورنى – ءابۋ – دابيعا ات باسىن تىرەيدى. نانجيڭ بۇل ۇشاقتىڭ جۇڭگو ساپارىنداعى ەڭ سوڭعى بەكەتى بولماق.
كەلۋ قاينارى: حالىق تورابى