كۇنەس اۋداندىق 1 - ورتا مەكتەپتە وقۋشىلاردىڭ 7 - كەزەكتى اقىندار ايتىسى ءوتتى

فوتوعا تۇسىرىپ، حابارىن جازعان: ەرنۇر ماناپقان ۇلى

2015.06.05 13:18   كەلۋ قاينارى : حالىق تورابى

　　حالىق تورابى، 5 – ماۋسىم، بەيجيڭ. كۇنەس اۋداندىق 1 -ورتا مەكتەپتە، 3 – ماۋسىم كۇنى تۇستەن كەيىن، وقۋشىلاردىڭ 7 - كەزەكتى اقىندار ايتىسى بولىپ ءوتتى. بۇل رەتكى ايتىسقا كۇنەس اۋداننىڭ مادەنيەت، دەنساۋلىق ساقتاۋ قىزمەتىنە جاۋاپتى ورىنباسار اكىمى ارداق جانە وقۋشىلاردىڭ اتا-انالار ۋاكىلى مەن بىرلىكتە مەكتەپتەگى جالپى وقىتۋشى - وقۋشىلار بولىپ، 3 مىڭعا جۋىق كورەرمەن قاتىناستى.

　　ايتىستىڭ باستالۋ سوزىندە مەكتەپ پارتيا ياچەيكا سەكراتارى قۇرمانجان بەكمۇحامەت ۇلى ۇلتتار ىنتىماعى ايىندا، مەكتەپتەگى جالپى وقىتۋشى - وقۋشىلاردىڭ ۇلتتار ىنتىماعىن قورعاۋ، ۇگىتتەۋ جونىندەگىءار ءتۇرلى قيمىلدارعا بەلسەنە ات سالىسقاندىعىن ايتا كەلىپ، جالپى وقىتۋشى - وقۋشىلاردىڭ مەملەكەتتىڭ «ۇلتتار ىنتىماعىن قورعاۋ» جونىندەگى ۇندەۋىنە ءۇن قوسىپ، ۇلتتار ارا ىنتىماقتى بولۋدى باسا دارىپتەدى. ءارى ۇلىت پەن ۇلتتى، حالىق پەن حالىقتى تەڭەستىرەتىن ءبىلىم ەكەندىگىن دارىپتەي كەلىپ، بولاشاق قازاق ازاماتتارىنىڭ ۇزدىكسىز قۇلشىنىپ ۇيرەنىپ وزدەرىنىڭ كوزدەگەن بيىكتەرىنە جەتۋىن،ءاربىر ۇرپاقتىڭ اتا - اناسىنىڭ كۇتكەن ءۇمىتىن اقتاۋىن ۇمىت ەتەتىندىگىن ءبىلدىردى، ءارى ۇلتتار ىنتىماعىنا باسا ءمان بەرىپ ورنىقتىلىقتى ساقتاۋعا كۇش سالۋ كەرەك ەكەندىگىن باسا دارىپتەدى.

　　بۇل رەتكى ايتىستا كۇنەس اۋداندىق 1 - ورتا مەكتەپتەن 8 اقىن جالپى 4 مايدان ايتىس وتكىزىپ، قالىڭ حالىق جۇرتشىلىعىنىڭ قىزۋ القاۋىنا يە بولدى. ايتىستا ءوزارا سايىسقا تۇسكەن بالاپان اقىندار ۇلتتار ىنتىماعىن تىلگە تيەك ەتە وتىرىپ، ورنىقتىلىقتى ساقتاۋ، عىلىمدى ءسۇيۋ، اتا - انانىڭ ءۇمىتىن اقتاۋ سىندى مازمۇنداردا ءسوز قوزعاپ، مەكتەپتەگى وقۋشىلار بويىنداعى ارتىقشىلىقتار مەن كەمشىلىكتەردى سالىستىرا ايتىپ كورەرمەندەردى كۇلكىگە بولەپ، ىزدەنگىش، ونەگەلى وقۋشىلاردىڭ قاتارىنىڭ كوبەيۋىن دارىپتەدى. ايتىس اردەگىندە مەكتەبىمىزدىڭ ونەرلى وقۋشىلارى كۇمبىرلى كۇي، اسەم اندەرمەن ساحنا ءسانىن ارتتىرىپ كورەرمەندەرىن ءتانتى ەتتى.

　　ايتىس سوڭىندا حالىققا تانىمالى اقىندار باقىتالى تىلەۋبەردى ۇلى مەن نۇرسۇلتان ايتبەك ۇلى ەكەۋى جالپى جۇرتشىلىققا ءبىر مايدان ايتىس ونەرىن كورسەتتى. ولار ايتىس بارىسىندا، كۇنەس اۋداندىق 1 - ورتا مەكتەپتىڭ جان - جاقتىلى دامىعاندىعىن ايتۋ ارقىلى وسىنداي ورتادا ءبىلىم الىپ جاتقان وقۋشىلاردىڭ جالعاستى جاقسى ۇيرەنۋىنە مەدەت بەردى.

　　بۇل رەتكى ايتىسءادىلعازىلار جاعىنان باعالانىپ، بالاپان اقىندار 4 دارەجە بويىنشا سيلاندى. ايتىستا ەرەكشە دارەجەلى سيلىقتى عالىم (300.00 يۋان)، 1 - دارەجەلى سيلىقتى ەرلان (250.00 يۋان)، 2 - دارەجەلى سيلىقتى جاسار، قاينار (جەكە- جەكە 200.00 يۋان)، 3 - دارەجەلى سيلىقتى ايبول، ازامات، ەردوس، ماقسات (جەكە- جەكە 150.00 يۋان) قاتارلى وقۋشىلار ەنشىلەدى.

　　كەلۋ قاينارى: حالىق تورابى