ءۇرىمجى قالاسىندا كەنەتتەن نوسەر جاۋىپ، كوپتەگەن جولداردا سۋ ىركىلدى

2015.06.10 14:27   كەلۋ قاينارى : حالىق تورابى

　　حالىق تورابى، 9 – ماۋسىم، ءۇرىمجى. ماۋسىمداعى شينجياڭنىڭ اۋا رايى بالانىڭ مىنەزى سەكىلدى دەرەۋ وزگەرەدى، تاڭەرتەڭ كۇن ەركەلەي كوتەرىلسە دە، تۇستەن كەيىن نوسەر جاۋۋى مۇمكىن. 9 – ماۋسىم كۇنى تۇستەن كەيىن كەنەتتەن جاۋعان جاڭبىر قالا حالقىن ابىگەرگە ءتۇسىردى.

　　ءۇرىمجى قالالىق اۋا رايى ستانسياسى ساعات 15-تە نايزاعايدىڭ سارى ءتۇستى ساقتىق سەگنالىن جاريالاپ، الداعى 6 ساعات ىشىندە كۇشتى قاراما – قارسى اۋا اعىسى قالىپتاساتىنىن ەسكەرتتى. ساعات 19-دا ءۇرىمجى قالالىق اۋا رايى ستانسياسى نوسەردىڭ سارى ءتۇستى ساقتىق سەگنالىن جاريالاپ، «قازىر قالا رايونى، ميدۇڭ رايونى جانە تاۋلى وڭىرلەردە قالىڭ جاڭبىر مەن نايزاعايلى نوسەر جاۋۋدا، الداعى 12 ساعات ىشىندە قالا رايونى، ميدۇڭ رايونى جانە تاۋلى وڭىرلەردە جاۋىن – شاشىن مولشەرى نوسەر دەڭگەيىنە جەتەدى ءارى نايزاعايلى نوسەر جاۋادى، ساقتانۋدى ەسكەرتەمىز» دەپ حابارلادى.

　　كەلۋ قاينارى: حالىق تورابى