بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

شي جينپيڭ گۇيجوۋدا قىزمەت تەكسەرگەندە بىلاي دەدى: ساياساتتىڭ قالاي بولىپ جاتقانىن اۋىلداستاردىڭ بەينەسىنەن اڭعارۋعا بولادى

2015.06.17 16:51   كەلۋ قاينارى : حالىق تورابى



  شينحۋا تورابى، 16 – ماۋسىم، بەيجيڭ. شينحۋا اگەنتتىگى تۇتىنۋشىلارعا قىزمەت وتەۋ جەلىسىنىڭ حابارلاۋىنا قاراعاندا، باس شۋجي شي جينپيڭ 16 – ماۋسىمدا گۇيجوۋ ولكەسىنىڭ زۇن – ي قالاسىنا بارىپ قىزمەت تەكسەرگەن. بۇل پارتيا 18 – قۇرىلتايىنان كەيىن باس شۋجي شي جينپيڭنىڭ گۇيجوۋ ولكەسىنە تۇڭعىش كەلىپ قىزمەت تەكسەرۋى ەكەن.

  تاۋلى وڭىرگە ورنالاسقان حۋاماۋ قىستاعى تاياۋ جىلداردان بەرى وسى زامانعى اۋىل شارۋاشىلىعىن دامىتىپ، ەگىنشىلىك پەن ساياحاتتى ۇشتاستىرىپ، قىستاق تۇرعىندارىنىڭ تۇرمىسىندا ايتارلىقتاي وزگەرىس تۋدىردى. شي جينپيڭ قىستاق تۇرعىنى ۋاڭ جىچياڭنىڭ شارۋالار شاتتىعى ساياجايىنا باس سۇعىپ، اۋلانى تاپتەشتەي كورىپ: «نە ەگەسىز؟»، «جەردەن پايدالانۋ جاعدايىڭىز قانداي؟»، «ساياجايىڭىزدىڭ ساۋداسى شە؟» دەپ سۇرادى. شي جينپيڭ اۋلادا قىستاق تۇرعىندارىنىڭ ورتاسىندا وتىرىپ اۋىل جايىنان اڭگىمە شەرتتى، قىستاق تۇرعىندارى باس شۋجيگە تۇرمىس جاعدايلارىن تانىستىرىپ، پارتيا مەن ۇكىمەتتىڭ ساياساتى جاقسى بولىپ جاتقانىن القادى. باس شۋجي كوپشىلىككە بىلاي دەدى: بۇل – زۇن – يگە ءۇشىنشى رەت كەلۋىم، بۇقارانىڭ، اسىرەسە، ەگىنشىلەردىڭ تۇرمىسىن جان – جاقتى بىلگىم كەلەدى. ءبىزدىڭ 100 جىلدىق ءبىرىنشى نىسانامىز – 2020 – جىلعا بارعاندا جاپپاي دوڭگەلەك داۋلەتتى قوعام قۇرۋ، ەگىنشىلەر دوڭگەلەك داۋلەتكە جەتپەيىنشە، تۇتاس قوعام دوڭگەلەك داۋلەتكە جەتە المايدى. وسى رەت گۇيجوۋعا كەلىپ تەكسەرىپ – زەرتتەۋ جۇرگىزۋدەگى وتە ماڭىزدى باس تاقىرىبىمىز – كەدەيلەردىڭ كەدەيلىكتەن قالاي ارىلىپ جاتقانىن ءبىلۋ. جاڭا ايتقان اڭگىمەلەرىڭىزدەن، جۇزدەرىڭىزدەگى قۋانىش لەبىنەن تۇرمىستارىڭىزدىڭ جاقسى ەكەنىن بىلدىك، بۇل ارادا كەدەيلىكتەن ارىلىپ، بايۋ جولىنا ءتۇسۋ ءىسى نەداۋىر ءساتتى بولىپ جاتىپتى، سىزدەر پارتيا مەن ۇكىمەتتى قولداپ وتىرسىزدار. بۇقارانىڭ قولداۋ، قولداماۋى – قىزمەتتى تەكسەرۋىمىزدىڭ ماڭىزدى ولشەمى. پارتيا ورتالىق كوميتەتى بەلگىلەگەن ساياساتتىڭ قالاي بولىپ جاتقانىن اۋىلداستاردىڭ بەينەسىنەن اڭعارۋعا بولادى. كوپشىلىكتىڭ جۇزىنەن قۋانىش لەبى ەسسە، ساياساتىمىزدىڭ جاقسى بولعانى. قيىنشىلىق قىسپاعىنداعىلار بار بولسا، ولارعا نازار اۋدارۋىمىز، ساياساتتاعى تۇزەتۋگە ءتيىستى جەردى تۇزەتىپ، كەمەلدەندىرۋگە ءتيىستى جەردى كەمەلدەندىرۋىمىز كەرەك (تىلشىلەر: لي بين، لي شۋەرىن، حۋاڭ جيڭۋىن)

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 
جاۋاپتى رەداكتورى : مۇحيت امانتاي ۇلى

 سۋرەت