بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

بەرەكە دابىلى قاعىلىپ، توماردى وڭىرىنە جىر تۇندى

بۋىرشىن اۋدانىنىڭ 19 – كەزەكتى اقىندار ايتىسى وتكىزىلدى

فوتوعا تۇسىرگەن: گۇلميرا داۋلەتبەك قىزى مەن اسقار قايسا ۇلى

2015.06.18 14:38   كەلۋ قاينارى : حالىق تورابى



  گۇلميرا داۋلەتبەك قىزى حابارلايدى. ماۋجىراعان ماۋسىم ايىنىڭ جىبەك سامالى بەتىڭدى ءوبىپ، تىنىستى دالانىڭ اجارى اشىلعان، ساحارانىڭ ءسانى كەلىپ، ساۋلەتى اسىپ، پەيىلى كەڭىگەن مەرەيلى تۇستا بۋىرشىن اۋدانىنىڭ 19 – كەزەكتى اقىندار ايتىسى شۇڭقىر قالاشىعى توماردى جايلاۋىندا ماۋسىمنىڭ 14-، 15 – كۇندەرى وتكىزىلدى.

  جىر تويى پارتيا 18 – قۇرىلتايىنىڭ رۋحىن دايەكتىلەندىرىپ، پارتيانىڭ بۇقارالىق لۋشيان تاربيەسىن امالياتتا ايگىلەۋ مول جەمىس بەرىپ وتىرعان، وسىزامانعى وزىق مادەنيەتتى جەتەكشى ەتۋ باعىتىن جاپپاي تياناقتاندىرىپ وتىرعان اسا تاماشا ورايدا اسىرەسە، اۆتونوميالى رايونىمىز قۇرىلعاندىعىنىڭ 60 جىلدىعىن قۇتتىقتاۋ ماقساتىندا وتكىزىلىپ وتىر.

  ايتىستىڭ باستالۋ سالتىندا مەملەكەت تۋى ورىندالىپ، ءارقايسى اۋىل – قالاشىق ۋاكىلدەرى مايدانعا كىرىپ، سپورتشىلار سەرت بەرىپ، اق سارباس قوي مەن كوك قاسقا تايعا باتا بەرىلدى. بۋىرشىن اۋدانىنىڭ مادەنيەتىنە ەڭبەگى سىڭگەن نۇرزيقان دالي قىزى، گۇلزيرا سولتان قىزى، گۇلباقىت قازىباي قىزى قاتارلى 15 اقىنعا «ەڭبەگى سىڭگەن ايتىسكەر» اتاعى بەرىلدى.

  اقىندار ايتىسى بايلانىسىمەن، بايگە، پالۋان، كيىز ءۇي باعالاۋ، ۇلتتىق كيىمدەرى باسەكەسى، ۇلتتىق قولونەر بۇيىمدار كورمەسى، ۇلتتىق تاعامداردى باعالاۋ، قازاقشا كۇرەس قاتارلى قيمىلدار وتكىزىلىپ، توماردى ساحاراسىن شاتتىققا بولەدى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 
جاۋاپتى رەداكتورى : مۇحيت امانتاي ۇلى

 سۋرەت