ايتىس اۋىلىنداعى جىر – دۋمان

2015.06.25 14:15   كەلۋ قاينارى : حالىق تورابى

　　اقىندار جەكپە – جەكتە

　　«ىلە كەشى» گازەتىنىڭ ءتىلشىسى سەنبەك اۋەسقان ۇلى حابارلايدى. كۇنەس اۋدانى كەڭسۋ اۋىلىنىڭ اۆتونوميالى رايون قۇرىلعاندىعىنىڭ 60 جىلدىعىن جىرلاۋدى باس تاقىرىپ ەتكەن 5 – رەتكى اقىندار ايتىسى جەلىلەس قيمىلى ماۋسىمنىڭ 20 - كۇنى كەڭسۋ اۋىلدىق ورتا مەكتەپتە دابىرالى وتكىزىلدى.

　　ايتىستىڭ باستالۋ سالتىندا ەڭ اۋەلى ءسوز كەزەگىن العان اۋىلدىق پارتكومنىڭ شۋجيى ەرشات ورال ۇلى اقىندار مەكەنى دەگەن ارداقتى اتى بار، داۋلەتقان قورالاس ۇلى، ءابىلقايىر اسقاربەك ۇلى، ۋاليبەك اقىمەت ۇلى قاتارلى تانىمال اقىن، انشىلەر شىققان كەڭسۋ اۋىلىنىڭ جۋىق جىلداردان بەرگى قوعامدىق، ەكونوميكالىق دامۋ جاعدايىن قىسقاشا تانىستىرىپ، الىس – جۋىقتان كەلگەن سيلى قوناقتاردى قارسى الاتىنىن ءبىلدىردى، اقىن، ونەرپازداردى سارا تۋىندى جاراتۋعا شابىتتاندىردى، تۇتاس اۋىل حالقىن وسى رەتكى ايتىستى وراي ەتىپ، قايراتتانا العا ۇمتىلىپ، باي – باقىتتى اۋىل قۇرۋعا جۇمىلا كىرىسۋگە ۇندەدى. كۇنەس اۋداندىق ساياسي كەڭەستىڭ ءتوراعاسى شايزات مۇقامەتجان ۇلى قۇتتىقتاۋ ءسوزىن سويلەدى. وبلىستىق حالىق قۇرىلتايى تۇراقتى كوميتەتىنەن وسى اۋدانعا تۇسكەن قىزمەت گرۋپپاسىنىڭ باستىعى امانجول اسانعالي ۇلى قيمىلدىڭ باستالعانىن جاريالادى. وسىدان كەيىن تۇلپاردايىن الا قىزعان اقىندار بىرىنەن ءبىرى وزا شاۋىپ، بەرەكە – بىرلىكتى، دامۋدى جىرلاپ، ءىشىنارا ورىن تەۋىپ وتىرعان ماسەلەلەردى وتكىر تىلمەن مىنەپ، كورەرمەننىڭ ايىزىن قاندىردى. ايتىسپەن قوسا قازاق كۇرەسى، ۇلتتىق قولونەر بۇيىمدارى كورمەسى، بۇقا تارتىس قيمىلدارى وتكىزىلدى.

　　ايتىستا 14 اقىننان نۇربولات پەن اققۋ 1 – دارەجەلى، شايماردان 2 – دارەجەلى، قاينار، ايبول، ەرلان 3 – دارەجەلى بولىپ بايگەدەن كەلدى. باقىتالى، جارقىنبەك، پاتىعالى، قاسەننۇر، نۇرلان قاتارلى وزگە اۋىل، قالاشىقتاردان ۇسىنىسپەن شاقىرىلعان 7 اقىنعا قۇرمەت سيلىعى بەرىلدى. تەرمەشىلەردەن بەرىكبول 1 – دارەجەلى، سۇلتان، بەرىكگۇل 2 – دارەلى، ەرنۇر، ازامات، ءلاززات قاتارلىلار 3 – دارەجەلى بولىپ سيلاندى. قولونەر تۇرىنەن قۇروزەك قىستاعىنىڭ تۇرعىنى باقىتگۇل 1 – دارەجەلى، كەڭسۋ، كوكتەبە قىستاقتارىنىڭ تۇرعىندارى گۇلزات پەن جاڭىل 2 – دارەجەلى، قازاق ءمالى، كوكتوبە قىستاقتارىنىڭ تۇرعىندارى ءمارزيا، راقىمجان، ساۋلەگۇل قاتارلىلار 3 – دارەجەلى بولىپ سيلاندى. قازاق كۇرەسىنەن ولجاس، نۇرتاي، تىلەۋ 1 – دارەجەلى، لاشىن، پاراسات 2 – دارەجەلى، ەرجاننات، ايدىن قاتارلىلار 3 – دارەجەلى بولدى. قىز بالۋاندار كومانداسىنان ءىنجۋ، ءلاززات، اقتىلەك 1-، 2-، 3- دارەجەلى بولىپ سيلاندى. بۇقا تارتىستا اقتىلەك، ءادىل 1 – دارەجەلى، امان، قاسەننۇر 2- دارەجەلى، دەسبەر، ەركىش قاتارلىلار 3 – دارەجەلى بولىپ ماداقتالدى. جۇڭگو قازاق كۇرەسىنىڭ باپكەرى، كۇنەس اۋداندىق قازاق كۇرەسى قوعامىنىڭ باستىعى سۇرابالدى اقىمەت ۇلىنا، اۆتونوميالى رايون دارەجەلى بالۋان جاقىپجان ارىن ۇلىنا، وبلىسقا ەڭبەگى سىڭگەن ايتىس اقىنى جاقىپنۇر وقاس ۇلىنا اۋىل اتىنان وقالى تون جابىلدى.

　　ايگىلى ديكتور جىبەك بازارباي قىزى، كۇمىس كومەي ءان بايقاۋىنىڭ باس جۇلدەگەرى شالقار الىمبەك ۇلى قاتارلىلار تامىلجىتا ءان شىرقاپ، مەرەكەنىڭ مەرەيىن اسىردى. سۋرەتتەردى تۇسىرگەن سەنبەك اۋەسقان ۇلى

　　كەلۋ قاينارى: حالىق تورابى