ا ق ش پەن كۋبا اراسىندا باس ەلشىلىك اشىلدى

2015.07.21 14:07   كەلۋ قاينارى : حالىق تورابى

　　20 – شىلدە كۇنى ا ق ش استاناسى ۋاشينگتونداعى كۋبانىڭ ا ق ش – تا تۇراتىن مۇددەلىك ۋاكىلدىك ورنىندا كۋبانىڭ ا ق ش – تا تۇراتىن باس ەلشىلىگىن اشۋ سالتى وتكىزىلدى، كۋبانىڭ سىرتقى ىستەر مينيسترى برۋنو رودريگۋەز كۋبانىڭ مەملەكەت تۋىن ءوز قولىمەن شىعاردى. سول كۇنى ا ق ش پەن كۋبا اراسىندا قايتادان باس ەلشىلىك اشىلدى. 1959 – جىلى كۋبا توڭكەرىسى جەڭىسكە جەتكەننەن كەيىن، ا ق ش كۋباعا جاۋلاسۋ ساياساتىن ۇستانىپ كەلگەن. 1961 – جىلى ا ق ش – تىڭ جالدامالى اسكەرلەرى كۋباعا باسىپ كىرۋ بارىسىندا ساتسىزدىككە ۇشىراعاننان كەيىن، ا ق ش پەن كۋبا اراسىندا ديپلوماتيالىق قارىم – قاتىناس ۇزىلگەن بولاتىن. 1962 – جىلى سول كەزدەگى ا ق ش پرەزيدەنتى جون كەننەدي زاڭ - جارلىققا قول قويىپ، كۋباعا ەكونوميكا جانە فينانس جاعىندا قۇرساۋلاۋدى، ساۋدا – ساتتىق جاعىندا تاسىمالعا شەكتەمە قويۋدى رەسمي جاريالاعان بولاتىن. شينحۋا اگەنتتىگىنىڭ ءتىلشىسى يىن بوگۋ فوتوسى

　　شينحۋا تورابى، 21 – شىلدە، بەيجيڭ. كۋبانىڭ ا ق ش – تا تۇراتىن باس ەلشىلىگى 20 – شىلدەدە ا ق ش استاناسى ۋاشينگتوندا تۋ شىعارۋ سالتىن جانە باس ەلشىلىكتى اشۋ سالتىن وتكىزدى؛ سول كۇنى ا ق ش – تىڭ كۋبادا تۇراتىن مۇددەلىك ۋاكىلدىك ورنى دا رەسمي تۇردە ەلشىلىك دارەجەسىنە كوتەرىلدى.

　　ا ق ش پەن كۋبانىڭ وسىنىڭ الدىندا قول قويعان كەلىسىمشارتىنا سايكەس، ەكى ەل 20 – شىلدە كۇنى ساعات نولدەن باستاپ ديپلوماتيالىق قارىم – قاتىناسىن رەسمي قالپىنا كەلتىردى. ۋاشينگتوندا وتكىزىلگەن تۋ شىعارۋ سالتى مەن باس ەلشىلىكتى اشۋ سالتىندا كۋبانىڭ سىرتقى ىستەر مينيسترى برۋنو رودريگۋەز ءوز قولىمەن كۋبانىڭ تۋىن شىعاردى. سول كۇنى كۋبانىڭ مەملەكەت تۋى ا ق ش پەن ديپلوماتيالىق قارىم – قاتىناس ورناتقان باسقا ەلدەردىڭ مەملەكەت تۋلارىمەن بىرگە ا ق ش مەملەكەتتىك كەڭەسىنىڭ زالىنا قويىلدى.

　　20 – شىلدە كۇنى كۋبانىڭ استاناسى حاۋانادا تۇراتىن ا ق ش – تىڭ كۋباداعى مۇددەلىك ۋاكىلدىك ورنى رەسمي ەلشىلىك مارتەبەسىنە كوتەرىلدى. ا ق ش – تىڭ كۋبادا تۇراتىن باس ەلشىلىگى تۆيتتەر پاراقشاسىندا ا ق ش مەملەكەت ىستەرى حاتشىسى كەرريدىڭ بيىل جازدىڭ سوڭىن الا كۋباعا ساپارلاي بارىپ، ا ق ش باس ەلشىلىگىنىڭ اشىلعانىن قۇتتىقتايتىنىن ءارى تۋ شىعارۋ سالتىن وتكىزەتىنىن جاريالادى.

　　كەلۋ قاينارى: حالىق تورابى