فرانسياعا تاۋەلدى رەۋنيون ارالىنان بايقالعان ۇشاق سىنىقتارى فرانسيا ساقشى جاعىنان ىشكەرلەي تەكسەرىلۋدە

2015.07.30 15:21   كەلۋ قاينارى : حالىق تورابى

　　حالىق تورابى، 30 – شىلدە، بەيجيڭ. فرانسيا مەديالارىنىڭ 29 – شىلدەدە حابارلاۋىنشا، يندى مۇحيتىنداعى فرانسياعا تاۋەلدى رەۋنيون ارالىنان سول كۇنى ۇشاقتىڭ سىنىعى بايقالعان، بۇل ۇشاق سىنىعىنىڭ ناقتىلى قايدان كەلگەنى جونىندە فرانسيا ساقشى جاعى قازىر ىشكەرلەي تەكسەرۋ جاساۋدا ەكەنىن حابارلاعان.

　　حابارعا قاراعاندا، فرانسيا اۆياتسيا حاۋىپسىزدىگى مامانى زاۆيەتاي تەلماننىڭ ايتۋىنشا، بۇل ۇشاق سىنىعىنىڭ مالايزيا اۆياتسيا سەرىكتىگىＭＨ３７０ ۇشاعىنىكى بولۋ مۇمكىنشىلىگىن تەرىسكە شىعارۋعا بولمايتىنىن ايتقان، ءبىراق تاعى ءبىر توپتاعى ماماندار مۇنىڭ مۇكىن ەمەس ەكەنىن، بۇل ۇشاق سىنىعى ءبىر نەشە جىلدىڭ الدىنداعى اتالعان رايونداعى كەزىندە قۇلاعان ەكى ۇشاقتىڭ سىنىعى بولۋ مۇمكىن دەگەن.

　　فرانسيا اۆياتسيا قاتىناس تاسىمال ساقشى تاراۋلارى قازىر بۇل جاعدايعا تۇجىرىم جاساۋدىڭ وتە ەرتە ەكەنىن، الدىمەن ۇشاق سىنىعىنا ىشكەرلەي تەكسەرۋ جاساعاننان كەيىن عانا، قايسى اۆياتسيا سەرىكتىگىنىڭ ۇشاعى ەكەنىن تۇراقتاندىرۋعا بولاتىنىن ايتقان.

　　كەلۋ قاينارى: حالىق تورابى