مالايزيانىڭ قاتىناس مينيسترى لو تۇڭلاي 6 – تامىزدا مالايزيانىڭ پۋتراجايا قالاسىندا تىلشىلەردى قابىلدادى.
مالايزيا قاتىناس مينيسترى 6 – تامىزدا شينحۋا اگەنتتىگى ءتىلشىسىنىڭ سۇراۋىنا جاۋاپ بەرگەندە، مالايزيا جاقتىڭ فرانسياعا تاۋەلدى رەۋنيون ارالىنان تابىلعان ۇشاق سىنىقتارىن مالايزيا اۆياتسيا سەرىكتىگىنىڭ MH370 ۇشاعىنىكى دەپ جاريالاۋى فرانسيا جاقتىڭ پوزيتسياسىمەن قايشى ەمەس ەكەنىن ايتتى.
لو تۇڭلايدىڭ ايتۋىنشا، مالايزيا جاق تەحنيكالىق قىزمەتكەرلەر مەن مامانداردىڭ پىكىرىن نەگىز ەتە وتىرىپ، بايىپتىلىقپەن وسى تۇجىرىمعا كەلگەن. ول بىلاي دەپ تانىستىردى: تەكسەرۋشىلەر ۇشاق قاناتىنان جوندەۋدەن وتكىزىلگەن كەزدەگى جاپسىرمانى بايقاعان، بۇل مالايزيا اۆياتسيا سەرىكتىگىنىڭ ەستەلىككە العان ينفورماتسيالارىمەن ساي كەلەدى. ونىڭ ءتۇسى، كۇتىمدەۋ ەستەلىگى مالايزيا جاقتىڭ ەستەلىككە العان ينفورماتسيالارىمەن بىردەي. تەحنيكالىق جاقتاعى جانە جالپى وبيەكتيۆ ورتاعا قاتىستى ينفورماتسيالاردىڭ بارلىعى بۇل ۇشاق قاناتىنىڭ MH370 ۇشاعىنىكى ەكەنىن دالەلدەيدى.
كەلۋ قاينارى: حالىق تورابى