موري اۋدانىنان 2000 جىلدىڭ الدىنداعى قابىر تابىلدى

2015.08.07 15:21   كەلۋ قاينارى : حالىق تورابى

　　حالىق تورابى، 7 – تامىز، بەيجيڭ. جۇڭگو قوعامدىق عىلىمدار اكادەمياسى ارحەولوگيا ءبولىمى شينجياڭ ارحەولوگيا اترەتى جاقىندا شينجياڭ سانجى وبلىسى موري قازاق اۆتونوميالى اۋدانىنان 2000 جىلدىڭ الدىنداعى قابىردى بايقاعان، قابىرداعى كومىلگەن مۇرالار مەن قابىر فورماسىنا نەگىزدەلگەن العاشقى تۇجىرىم بويىنشا، بۇل قابىر چين – حان پاتشالىقتارى كەزىندەگى ۇلكەن تيىپتەگى قابىر دەپ قارالعان.

　　بۇل قابىر شينجياڭ سانجى وبلىسى موري اۋدانى قالقانتاۋ اۋىلى پيڭديڭشان قىستاعىنىڭ شىعىس وڭتۇستىگىنەن 2 كيلومەتر ارالىقتاعى قىراتتان تابىلعان، كونە قابىردىڭ ءتۇرى مەن سانى ءبىرشاما كوپ بولعان، بۇلاردىڭ ىشىندە چين – حان پاتشالىقتارى كەزىنە تۋرا كەلەتىن قابىردىڭ كولەمى 60 مىڭ شارشى مەتر بولىپ، توپىراق پەن تاستان قورشالعان 5 دوڭگەلەك فورمالى قابىر رايونىنان قۇرالعان.

　　ارحەولوگيا اترەتى باستىعىنىڭ تانىستىرۋىنشا، قابىر بايقالعان شينجياڭ موري اۋدانىنىڭ ساحارا مادەنيەتى ۇزاق، 3000 جىلدىڭ الدىندا ساحارا تايپالارى وسىندا تىرشىلىك ەتكەن. قازىر، كونە قابىردان ءبىرشاما كەمەلدى قوسىپ كومىلگەن جىلقى سۇيەگى قازىپ الىنعان، بۇل ساقتاردىڭ تاساتتىق بەرۋ سالتىنا ءتان قاسيەت. بۇل جەردەن تابىلعان 100 نەشە كونە قابىردىڭ ىشىندە ەڭ ۇلكەن قابىردىڭ ديامەترى 70 مەتر، بيىكتىگى 9 مەتر بولىپ، توڭىرەگىن تاسپەن قورشاعان، بۇل قابىرلار شىعىس تيانشان تاۋىنداعى ساحارا تايپالارىنداعى اقسۇيەكتەردىڭ قابىرى بولۋى مۇمكىن.

　　كەلۋ قاينارى: حالىق تورابى