مەملەكەتتىك 13 – كەزەكتى قىسقى سپورت جارىسىنىڭ الاۋىن جاعۋ جانە الاۋ جەتكىزۋدى باستاۋ سالتى ۇرىمجىدە وتكىزىلدى

جاڭ چۇنشيان تۇڭعىش الاۋدى تۇتاندىردى، ليۋ پىڭ، شوكىرات زاكىر ءسوز سويلەدى

2015.08.10 14:50   كەلۋ قاينارى : حالىق تورابى

　　مەملەكەتتىك 13 – كەزەكتى قىسقى سپورت جارىسىنىڭ الاۋىن جاعۋ جانە الاۋ جەتكىزۋدى باستاۋ سالتى 8 – تامىزدا ءۇرىمجى قالاسى نانحۋ الاڭىندا وتكىزىلدى. جاڭ چۇنشيان سالتقا قاتىناستى ءارى تۇڭعىش الاۋدى تۇتاندىردى.

　　حالىق تورابى، 10 – تامىز، بەيجيڭ. مەملەكەت بويىنشا بەيجيڭ مەن جاڭجياكوۋدىڭ 2022 – جىلعى قىسقى وليمپيادانى وتكىزۋ ۇقىعىنا يە بولعانىن قۇتتىقتاپ جاتقان مەرەيلى ساتتە مەملەكەتتىك 13 – كەزەكتى قىسقى وليمپيادا سپورت جارىسىنىڭ الاۋىن تۇتاندىرۋ جانە الاۋ جەتكىزۋدى باستاۋ سالتى 8 – تامىز تۇستەن بۇرىن ءۇرىمجى قالاسى نانحۋ الاڭىندا وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان سالتتا ءبىرىنشى الاۋدى ءوزى تۇتاندىردى ءارى الاۋ جەتكىزۋدى باستادى.

　　تامىز ايىندا ءۇرىمجى قالاسىندا شىلىڭگىر ىستىق بولدى. جينالىستاردى ۇنەمشىلدىكپەن ۇيىمداستىرۋ، ءتىپتى دە كوپ بۇقارانى سپورتتىق شارالارعا قاتىناستىرۋ ماقساتىمەن، 13 – كەزەكتى قىسقى سپورت جارىسىنىڭ الاۋىن جاعۋ جانە الاۋ جەتكىزۋدى باستاۋ سالتى مەن مەملەكەتتىك 7 – كەزەكتى «بۇكىل حالىقتىق دەنە شىنىقتىرۋ كۇنى» ءبىر ۋاقىتتا وتكىزىلدى. سول كۇنى تاڭەرتەڭ 2016 – جىلى 20 – قاڭتاردان 31 – قاڭتارعا دەيىن شينجياڭدا وتكىزىلەتىن مەملەكەتتىك 13 – كەزەكتى قىسقى سپورت جارىسىن قارسى الۋ ءۇشىن توڭىرەكتىڭ ءتورت بۇرىشىنان كەلگەن 3000نان استام بۇقارا قۋانىشتى كوڭىل كۇيمەن ءۇرىمجى قالاسى نانحۋ الاڭىنا جينالىپ، الاۋ جەتكىزۋدى باستاۋ سالتىنا قاتىناستى.

　　كەلۋ قاينارى: حالىق تورابى